یوکرین میں امریکی جنگجو کون ہیں؟:نیویارک ٹائمز کی رپورٹ

5 اپریل 2023

سچ خبریں:نیویارک ٹائمز نے اپنی ایک رپورٹ میں اعلان کیا ہے کہ یوکرین میں امریکی رضاکاروں میں بہت سے مسائل ہیں جن میں سے ایک فوجی تجربے کی کمی ہے۔

الجزیرہ چینل کی رپورٹ کے مطابق جب یوکرین میں جنگ شروع ہوئی تو امریکہ سمیت کئی مغربی ممالک سے ہزاروں رضاکار روس کے خلاف جنگ میں حصہ لینے اور یوکرین کے باشندوں کو اپنا فوجی تجربہ فراہم کرنے کے لیے اس ملک پہنچ گئے۔

تاہم اب ایک سال کی شدید لڑائی کے بعد منظر عام پر آنے والی کچھ رپورٹس بتاتی ہیں کہ غیر ملکی رضاکاروں کے بہت سے گروپ اندرونی جھگڑوں میں مصروف ہیں، جو انہیں جنگ میں حصہ لینے سے روک رہے ہیں،نیویارک ٹائمز نے اپنی ایک رپورٹ میں اعلان کیا ہے کہ یوکرین میں امریکی رضاکاروں میں بہت سے مسائل ہیں جن میں فوجی تجربے کی کمی، وسائل کا ضیاع اور جنگ سے فائدہ اٹھانے کی کوشش کا ذکر کیا جا سکتا ہے۔

اخبار نے لکھا کہ یوکرین کی فرنٹ لائن پر لڑنے والے اور جدید امریکی ہتھیاروں تک رسائی حاصل کرنے والے رضاکاروں میں ایسے لوگ بھی ہیں جنہیں اگر یہ جنگ امریکہ کی ہوتی تو انہیں جنگ کے میدان کے قریب بھی نہ جانے دیا جاتا۔

نیویارک ٹائمز نے اس بات پر زور دیا کہ اپنی رپورٹ میں اس نے رضاکار گروپوں سے متعلق 100 سے زائد صفحات پر مشتمل دستاویزات کا جائزہ لیا اور 30 سے زائد رضاکاروں سے بات کی،کچھ رضاکاروں نے اپنے نام ظاہر کیے اور کچھ نے نام ظاہر نہ کرنے کو ترجیح دی۔

رپورٹ کے مطابق، یوکرین میں امریکی جنگجوؤں میں ورجینیا سے تعلق رکھنے والا ایک ریٹائرڈ یو ایس میرین کرنل بھی ہے جو فوجی ٹیکنالوجی کی غیر قانونی برآمد میں مبینہ طور پر ملوث ہونے کے الزام میں وفاقی عدالت میں مطلوب ہے۔

ان میں ایک سابق امریکی فوجی بھی ہے جو لڑنے کے لیے یوکرین آیا تھا لیکن اپنے ساتھیوں کو دھوکہ دے کر روس بھاگ گیا جبکہ ایک اور امریکی کا تعلق کنیکٹی کٹ سے ہے جس نے یوکرینیوں سئ جھوٹ بولا کہ وہ امریکی فوج میں خدمات انجام دیتا تھا، اس نے یوکرین کے میدان جنگ کی آن لائن فوٹیج پوسٹ شائع کرتے ہوئے اپنی صحیح جگہ کی نشاندہی کی اور امریکی ہتھیاروں تک اپنی آسان رسائی کے بارے میں شیخیاں ماریں