یورپ میں موسم سرما بہت مشکل ہوگا:بیلجیئم

?️ 23 اگست 2022

سچ خبریں:بیلجیئم کے وزیر اعظم نے کہا کہ اس سال پورے یورپ کو انتہائی مشکل موسم سرما کا سامنا ہو گا۔
بیلجیئم کے وزیر اعظم نے کہا کہ پورے یورپ کو اس سال موسم سرما میں سخت سردی کا سامنا کرنا پڑے گا، رپورٹ کے مطابق الیگزینڈر ڈی کرو نے کہا کہ بعض شعبے توانائی کی قیمتوں میں اضافے کی وجہ سے خطرناک مشکلات کا شکار ہیں۔

انہوں نے مزید کہا کہ یوکرین کی جنگ کے نتائج کا سب سے بڑا خطرہ یورپی یکجہتی کا ٹوٹ جانا ہے جو توانائی کی قیمتوں میں اضافے کا باعث بنے گا،ساتھ ہی بیلجیئم کے وزیر اعظم نے کہا کہ اگر ہم اس مشکل صورتحال میں ایک دوسرے کا ساتھ دیں تو ہم بحران کو برداشت کر سکتے ہیں۔

دریں اثناء روس کی یورپ کو گیس کی منتقلی کی عارضی معطلی کے اعلان کے بعد پیر کو یورپی منڈیوں میں گیس کی قیمتوں میں 16 فیصد اضافہ ہوا جو گزشتہ 6 ماہ کی بلند ترین سطح تھی، بلومبرگ کے مطابق گیس کی قیمتوں میں اضافے کے بعد یورپی منڈیوں میں بھی بجلی کی قیمتوں میں اضافہ ہوا۔

Gazprom نے جمعہ کو اعلان کیا کہ روس منصوبہ بند مرمت کی وجہ سےNord Stream-1 پائپ لائن کے ذریعے یورپ کو گیس کی فراہمی بند کر دے گا جبکہ یوروپی یونین ماسکو پر توانائی کو بطور ہتھیار استعمال کرنے کا الزام عائد کرتی ہے لیکن روس اس الزام کو مسترد کرتا ہے اور یہ دلیل دیتا ہے کہ یورپی پابندیاں روسی گیس کی برآمدات اور رسد میں کمی کی بنیادی وجہ ہیں۔