یو اے ای کے سربراہ کے ساتھ روسی صدر کا سلوک

🗓️ 17 جون 2023

سچ خبریں:روسی صدر نے روس اور متحدہ عرب امارات کے درمیان بڑھتے ہوئے تعلقات کو سراہا اور دونوں ممالک کے درمیان تعلقات کو وسعت پذیر اور اہم قرار دیا۔

روئٹرز خبر رساں ادارے کی رپورٹ کے مطابق جمعے کے روز روسی صدر ولادمیر پیوٹن نے روس کے شہر سینٹ پیٹرزبرگ میں متحدہ عرب امارات کے رہنما شیخ محمد بن زائد آل نہیان سے ملاقات کی،۔

مزید پڑھڑھیں:متحدہ عرب امارات کا شنگھائی تعاون تنظیم کا رکن بننے کے لیے پہلا قدم

یاد رہے کہ ملاقات میں دونوں رہنماؤں نے روس اور متحدہ عرب امارات کے درمیان بڑھتے ہوئے تعلقات پر اطمینان کا اظہار کیا اور مزید آپسی تعاون پر زور دیا نیز محمد بن زائد نے ماسکو اور ابوظہبی کے درمیان تعلقات کو سراہا۔

واضح رہے کہ سینٹ پیٹرزبرگ بین الاقوامی اقتصادی اجلاس کے موقع میں متحدہ عرب امارات کو مہمان خصوصی کے طور پر مدعو کیا گیا ہے۔

یہ بھی پڑھیں:وہ سچ جسے بلنکن چھپا نہ سکا

ملاقات کے دوران پیوٹن نے کہا کہ متحدہ عرب امارات ماسکو کے لیے ایک بہت اہم اور اچھا شراکت دار ہے،انہوں نے روس اور یوکرین کے درمیان نیز روس اور امریکہ کے درمیان قیدیوں کے تبادلے میں یو اے ای کی جانب سے اہم کردار ادا کرنے پر آل نہیان کا شکریہ ادا کیا۔

یاد رہے کہ محمد بن زائد آل نہیان نے روس کے صدر سے ملاقات میں کشیدگی کم کرنے اور یوکرین کے تنازع کا سیاسی حل تلاش کرنے کا مطالبہ کیا نیز دونوں ممالک کے رہنماؤں نے دوطرفہ اسٹریٹجک پارٹنرشپ پر بھی تبادلہ خیال کیا۔

محمد بن زائد نے ملاقات کے بعد ٹویٹ کیا کہ متحدہ عرب امارات عالمی امن اور استحکام کے لیے مذاکرات اور سفارت کاری کے ذریعے سیاسی حل کے حصول کی تمام کوششوں کی حمایت جاری رکھے ہوئے ہے۔