سچ خبریں:یمن کے دار الحکومت صنعا کی ضلعی فوجداری عدالت نے برطانوی انٹلی جنس سروس کے لئے جاسوسی کے الزام میں پانچ افراد کو سزائے موت سنائی۔
یمنی صبا نیوز ایجنسی کی رپورٹ کے مطابق یمن کے دار الحکومت صنعا میں عدالت نے آج (منگل کو) برطانوی انٹلی جنس سروس کے ساتھ تعاون کرنے والے افراد کی جاسوسی اور تخریب کاری کی سرگرمیوں سے متعلق فوجداری مقدمہ نمبر 537 کی تحقیقات سے متعلق ایک اور سماعت کی،رپورٹ کے مطابق سماعت کے موقع پر پانچ ملزمان کو سزائے موت سنائی گئی ،کیس کی سربراہی جج محمد مفلح نے کی جس میں عرفات قاسم عبد اللہ الحاشدی،علی محمد عبد اللہ الجعمانی ، علی علی الخوارجہ ، سلیم عبد اللہ یحییٰ حبیش، أیمن مجاهد قاید حریش کو سزائے موت سنائی گئی۔
عدالت کے اس سیشن میں ملزم محمد شرف قاید حریش کو بھی پانچ سال قید کی سزا سنائی گئی اور اس سے تھی کہ وہ سلامتی میں خلل نہ ڈالنے اور اچھے سلوک پر قائم رہنے کا وعدہ بھی لیا گیا،یادرہے کہ ان افراد کو یمن کے مختلف صوبوں بشمول صنعا ، عمران ، صعدہ ، الجوف ، مأرب ، المہرہ اور حضرموت میں جاسوس کی حیثیت سے براہ راست بھرتی کیا گیا تھا اور تربیت دی گئی تھی۔
واضح رہے کہ برطانوی انٹیلی جنس سروس نے مذکورہ افراد کو بروئے کار لاتے ہوئے انھیں مواصلات ، آلات اور تکنیکی نگرانی کے شعبے میں جدید ذرائع اور وسائل فراہم کیے تاکہ ان سے یمن کی سرزمین پر تخریب کاری کی کاروائیاں، معلومات بھیجنے، سراغ لگانے ، تلاش کرنے جیسے کام لیے جاسکیں ۔
قابل ذکر ہے کہ پچھلے سال بھی یمنی المسیرہ چینل نے 21 ستمبر کے انقلاب سے قبل یمن میں برطانوی اور امریکی مداخلت پر مبنی وسیع دستاویزات کا ایک گوشہ شائع کیا تھا۔
