یوکرین کو جتنے پیسے دیے ہیں سب واپس لیں گے:ٹرمپ

سچ خبریں:امریکہ کے صدر کا کہنا ہے کہ یوکرین کو روس کے خلاف جنگ کے دوران واشنگٹن سے ملنے والی تمام امداد کی تلافی اپنے نایاب قدرتی وسائل کے ذریعے کرنی چاہیے۔  

رشیا ٹودے کی رپورٹ کے مطابق  امریکہ کے صدر ڈونلڈ ٹرمپ جنہوں نے یوکرین کو فوجی امداد اور روس کے ساتھ مذاکرات کے معاملے پر اپنے عوامی بیانات کے ذریعے یوکرین کے صدر ولودیمیر زیلینسکی کے ساتھ اپنے اختلافات کو عام کیا تھا، کہتے ہیں کہ کیف کو واشنگٹن سے ملنے والی تمام امداد واپس  کرنا چاہیے۔

یہ بھی پڑھیں: امریکہ نے اب تک یوکرین کو کتنی رقم دی ہے؟

ٹرمپ نے اس بارے میں کہا کہ یورپ نے 100 ارب ڈالر دیے ہیں اور امریکہ نے 350 ارب ڈالر ادا کیے ہیں کیونکہ ہمارے پاس ایک بیوقوف اور نااہل صدر اور حکومت تھی۔

مزید پڑھیں: امریکہ نے یوکرین کو 800 ملین ڈالر کی فوجی امداد کی منظوری دی

انہوں نے مزید کہا کہ ہم ان (یوکرین) سے مطالبہ کرتے ہیں کہ وہ ہمیں تمام پیسے کے بدلے کچھ دیں لہٰذا، ہماری درخواست نایاب قدرتی وسائل، تیل، اور جو کچھ بھی ہم حاصل کر سکیں وہ فوری طور پر ہمیں دے،ہم اپنا پیسہ واپس لیں گے کیونکہ یہ منصفانہ نہیں ہے۔