ہم شامی مہاجرین کو ان کے ملک واپس بھیجنے کی تیاری کر رہے ہیں:اردگان

23 مئی 2023

سچ خبریں:ترک صدر کا کہنا ہے کہ انقرہ شامی مہاجرین کو ان کے ملک واپس بھیجنے کی تیاری کر رہا ہے۔

المیادین چینل کی رپورٹ کے مطابق ترکی کے صدر رجب طیب اردگان نے اس ملک کے صدارتی انتخابات کے دوسرے مرحلے کے موقع پر شامی مہاجرین کو ان کے ملک واپس بھیجنے کے لیے انقرہ کی تیاری کا اعلان کیا۔

یاد رہے کہ ترکی پہلے ہی 450000 شامی مہاجرین کو اس ملک میں واپس کر چکا ہے اوراب اردگان نے انقرہ سے مزید ایک ملین مہاجرین کی واپسی کے منصوبے کا اعلان کیا ہے،اردگان نے اس مسئلے کے بارے میں کہا: پناہ گزینوں کی واپسی کے لیے روڈ میپ اور منصوبہ جلد تیار کیا جائے گا نیز وہ کتنی جلدی واپس آتے ہیں اس کا بھی جائزہ لیا جاتا ہے،ہمارے پاس ایک ملین پناہ گزینوں کی واپسی کا منصوبہ ہے۔

واضح رہے کہ شامی پناہ گزینوں کا مسئلہ ترکی کی سیاست کا ہمیشہ سے ایک گرما گرم موضوع رہا ہے اور اس سال صدارتی انتخابی مہم میں اس کی اہمیت کو ایک بار پھر اجاگر کیا گیا، خاص طور پر حزب اختلاف کی جماعت کے امیدوار کمال قلیچدار اوغلو کی انتخابی مہم میں۔، انہوں نے کہا اگر وہ الیکشن جیت جاتے ہیں تو ترکی ایک سال کے اندر تمام سیاسی پناہ کے متلاشیوں کو الوداع کہہ دے گا۔

قلیچدار نے شامی حکومت کے ساتھ انقرہ کے سفارتی تعلقات کو معمول پر لانے کی تجویز پیش کرتے ہوئے کہا کہ اس منصوبے میں شامی پناہ گزینوں کی واپسی کو یقینی بنانے کے لیے دمشق کے ساتھ مشترکہ معاہدہ ، ترک کمپنیوں کے ذریعے شام کی تعمیر نو اور اقوام متحدہ اور یورپی یونین کے فنڈز کے استعمال کے لیے مشترکہ اقدامات شامل ہیں۔