غزہ کے خلاف صیہونی جارحیت؛ شہید ہونے والی خواتین اور بچوں کی تعداد

11 اکتوبر 2023

سچ خبریں: غزہ میں شہداء کی تعداد 1000 سے تجاوز کر گئی ہے اور ہر لمحہ شہید ہونے والے بچوں اور خواتین کی تعداد میں اضافہ ہو رہا ہے۔

مرکزاطلاعات فلسطین کی رپورٹ کے مطابق فلسطین میں شہید ہونے والے بچوں اور خواتین کی تعداد میں مسلسل اضافہ ہورہا ہے،اطلاعات کے مطابق گزشتہ چار دنوں میں 260 بچوں اور 230 خواتین کو شہید کیا گیا ہے جس کے بعد اس تباہ کن اعدادوشمار سے صیہونی حکومت کے اہداف کی نوعیت واضح ہوجاتی ہے۔

یہ بھی پڑھیں: صہیونی جنگی طیاروں کی شمالی غزہ پر بمباری

دوسری جانب ایک فلم شائع ہوئی ہے جس میں ایک ماں جس کا بچہ صہیونی بمباری میں شہید ہوا تھا روتے ہوئے اسے ڈھونڈتی ہے اور کہتی ہے کہ وہ اس کی گود میں بھوکا شہید ہوا ہے۔

اس کے علاوہمجرمانہ قبضہ کرنے والوں نے سفید فاسفورس بم کا استعمال کرتے ہوئے ایک محلے کو مکمل طور پر تباہ کر دیا ۔

درایں اثنا بدھ کی صبح غزہ میں المیادین کے نامہ نگار نے اطلاع دی کہ غزہ کی بستیوں میں خطرے کے سائرن بج رہے ہیں اور صورتحال پھر سے بھڑک اٹھی ہے۔

کہا جاتا ہے کہ مسلسل اسرائیلی حملوں کے نتیجے میں غزہ کے کئی محلوں کی تاریخی یادگاریں زمین بوس ہو چکی ہیں،غزہ میں المیادین کے نامہ نگار کا کہنا ہے کہ قابضین کے جنگی طیاروں نے خان یونس شہر کے مغرب میں واقع مزاحمتی تحریک کے ایک مرکز کو نشانہ بنایا۔

مزید پڑھیں: صیہونی بمباری جاری رہی تو کیا ہوگا؟ فلسطینی مجاہدین کا اہم اعلان

اطلاعات کے مطابق القسام برگیڈ کے کمانڈر محمد الضیف کے والد کے گھر کو بھی نشانہ بنایا گیا اور ان کا بھائی شہید ہو گیا جبکہ ان کے خاندان کے افراد ابھی تک ملبے تلے دبے ہوئے ہیں۔