گزشتہ 72 گھنٹوں میں صیہونی حکومت کے 41 ہتھیار تباہ

?️ 21 دسمبر 2023

سچ خبریں:قسام بٹالینز کے ترجمان ابو عبیدہ نے گذشتہ 72 گھنٹوں میں قسام کے جنگجوؤں کے ہاتھوں صیہونی حکومت کے 41 ہتھیاروں کو مکمل یا جزوی طور پر تباہ کرنے کا اعلان کیا ہے۔

ابو عبیدہ نے کہا کہ ہمارے جنگجو 25 صہیونی فوجیوں کو ہلاک اور درجنوں دیگر فوجیوں کو زخمی کرنے میں کامیاب ہو گئے۔ غزہ کی پٹی میں دراندازی کرنے والے صہیونی فوجیوں کو مارٹر، راکٹ اور خندق شکن اور اینٹی پرسنل بموں سے نشانہ بنایا گیا۔

انہوں نے مزید کہا کہ قابض فورسز کی موجودگی میں 2 سرنگیں اور ایک مکان کو بم سے اڑا دیا گیا۔ اس کے علاوہ ہمارے اسنائپرز نے ایک اور صہیونی فوجی کو نشانہ بنایا۔

ابو عبیدہ نے کہا کہ ہمارے جنگجوؤں نے غزہ کی پٹی میں جنگ کے تمام محوروں میں دشمن کے ہیڈ کوارٹر اور فیلڈ کمانڈ رومز کو مارٹر اور راکٹوں سے نشانہ بنایا۔

انہوں نے مزید کہا کہ ہم نے تل ابیب پر گولہ باری کی۔ اس کے علاوہ ہم نے مقبوضہ فلسطین کے شمال میں کریات شمعونہ کو بھی کئی میزائلوں سے نشانہ بنایا۔