چارلی کرک اسرائیل کا سچا دوست تھا

چارلی کرک اسرائیل کا سچا دوست تھا

اسرائیلی وزیر اعظم بنیامین نتنیاہو نے امریکی قدامت پسند رہنما چارلی کرک کی ہلاکت پر افسوس کا اظہار کرتے ہوئے اسے اسرائیل کا شیر دل دوست قرار دیا۔

نتنیاہو نے سماجی رابطے کی ویب سائٹ ایکس پر پیغام میں لکھا چارلی کرک نے سچائی بیان کی، آزادی کا دفاع کیا اور جھوٹ کے خلاف ڈٹ کر کھڑا رہا۔ وہ یہودی-مسیحی تمدن کے لیے مکمل طور پر وقف تھا۔ صرف دو ہفتے قبل میری اس سے بات ہوئی اور میں نے اسے اسرائیل آنے کی دعوت دی تھی، لیکن افسوس کہ یہ ملاقات ممکن نہ ہو سکی۔

انہوں نے مزید کہا کہ امریکہ کے لیے کرک کا بے پناہ فخر اور آزادی اظہار پر اس کا پختہ یقین ہمیشہ یاد رکھا جائے گا۔

چند گھنٹے قبل امریکہ کی ریاست یوٹاہ میں ایک مسلح شخص نے یونیورسٹی میں تقریر کے دوران کرک کو نشانہ بنایا اور گولی گردن پر لگنے سے وہ موقع پر ہی ہلاک ہو گیا۔

چارلی کرک صدر ڈونلڈ ٹرمپ کے قریبی ساتھیوں میں شمار کیے جاتے تھے۔ وہ بااثر تنظیم Turning Point USA کے سربراہ تھے اور ان کے سوشل میڈیا فالوورز کی تعداد 52 لاکھ سے زائد تھی