ٹوئٹر کا 3500 صارفین کے اکاؤنٹس بلاک کر نے کا اعلان

🗓️ 3 دسمبر 2021

سچ خبریں:سماجی نیٹ ورک ٹوئٹر نے جمعرات کی شب چین اور روس سمیت چھ ممالک کے 3500 صارفین کے اکاؤنٹس بلاک کر دیے جو حکومتی پروپیگنڈے میں ملوث تھے۔

ٹوئٹر نے ایک بیان میں کہا کہ ان اکاؤنٹس کی اکثریت اس نیٹ ورک کا حصہ تھی جس نے اس بات پر کام کیا کہ چینی کمیونسٹ پارٹی نے سنکیانگ میں ایغور آبادی کے ساتھ کیا سلوک کیا،درایں اثنا ٹوئٹر نے سنکیانگ کی علاقائی حکومت سے وابستہ چانگیو کلچر نامی کمپنی سے منسلک 112 اکاؤنٹس کو بھی بلاک کر دیا۔

واضح رہے کہ ٹوئٹر ایسے وقت میں اکاؤنٹس کو بلاک کر رہا ہے جبکہ فیس بک نے کل اعلان کیا تھا کہ اس نے 500 سے زائد اکاؤنٹس بند کر دیے ہیں جو کہ کووڈ-19 سے منسلک چینی مہم کا حصہ تھے، ٹوئٹر نے ایک روسی کمپنی کے انٹرنیٹ ریسرچ ایجنسی سے منسلک 16 اکاؤنٹس کو بھی بلاک کر دیا جسے ناقدین ٹرول فارم کہتے ہیں۔

 ٹوئٹر نے ایک بیان میں یہ بھی کہا کہ اس نے لیبیا کی شہری حکومت اور اس سے منسلک اداروں پر حملہ کرنے والے 50 اکاؤنٹس کے نیٹ ورک کو بند دیا ہے جو لیبیا اور شام میں روس کی جغرافیائی سیاسی پوزیشن کے لیے اہم حمایت فراہم کررہے تھے نیز اس نے میکسیکو اور وینزویلا میں متعدد اشتہاری کمپنیوں کے اکاؤنٹس کو بھی بلاک کر دیا ہے۔