ٹرمپ کے خلاف فرد جرم عائد

?️ 31 مارچ 2023

سچ خبریں:مین ہٹن کی ایک بنچ نے سابق امریکی صدر ڈونلڈ ٹرمپ پر وائر ٹیپنگ کے الزام میں فرد جرم عائد کر دی ہے جس کے بعد ٹرمپ امریکی تاریخ کے پہلے صدر ہوں گے جن پر فوجداری جرائم کا الزام عائد کیا گیا ہے۔

اسپوٹنک نیوز ایجنسی کی رپورٹ کے مطابق نیویارک کی مین ہٹن عدالت نے امریکہ کے سابق صدر پر منھ بند رکھنے کے لیے تاوان دینے کے جرم کا الزام عائد کیا ہے اور کہا جا رہا ہے کہ فرد جرم کا اعلان آنے والے دنوں میں کیا جائے گا۔

ذرائع نے سی این این کو بتایا کہ سابق صدر ڈونلڈ ٹرمپ کے وکلاء کو مین ہٹن ڈسٹرکٹ اٹارنی کے دفتر نے مطلع کیا ہے کہ ایک بنچ نے ان پر فرد جرم عائد کرنے کا اعلان کیا ہے۔

اس حوالے سے نیویارک ٹائمز اخبار نے بھی باخبر ذرائع کا حوالہ دیتے ہوئے لکھا ہے کہ ٹرمپ کے خلاف فرد جرم کا اعلان ممکنہ طور پر آنے والے دنوں میں کیا جائے گا۔

سابق امریکی صدر کے ذاتی وکیل نے مین ہٹن عدالت کی جانب سے ٹرمپ کے خلاف فرد جرم عائد کیے جانے کی تصدیق کرتے ہوئے کہا کہ سرکاری طور اس الزام کے بارے میں انہیں بتا دیا گیا ہے۔

واضح رہے کہ ایسوسی ایٹڈ پریس خبر رساں ادارے نے ایک باخبر ذریعے کے حوالے سے اعلان کیا ہے کہ ٹرمپ، جنہوں نے پہلے ان پر عائد کیے جانے والے تمام الزامات کو مسترد کیا تھا نیز اس سلسلہ میں کی جانے والی تحقیقات کو بھی کڑی تنقید کا نشانہ بنایا تھا لیکن اب توقع ہے کہ وہ اگلے ہفتے حکام کے سامنے ہتھیار ڈال دیں گے۔