ٹرمپ کا احترام کرتے ہیں لیکن اسرائیل خود مختار ہے:صہیونی صدر

?️ 8 دسمبر 2025

ٹرمپ کا احترام کرتے ہیں لیکن اسرائیل خود مختار ہے:صہیونی صدر

اسرائیل کے صدر اسحاق ہرتزوگ نے کہا ہے کہ وہ امریکی صدر ڈونلڈ ٹرمپ کی دوستی اور رائے کا احترام کرتے ہیں، لیکن اسرائیل خودمختار ملک ہے اور اس کے فیصلے بیرونی دباؤ سے متاثر نہیں ہوں گے۔

یدیعوت آحرونوت کے مطابق ہرتزوگ نے ویب سائٹ پولیٹیکو سے گفتگو میں بنیامین نتانیہو کے غیر متوقع عفو کی درخواست کو معمول سے ہٹ کر قرار دیا اور کہا کہ کسی بھی عفو سے پہلے حالات کا بغور جائزہ لیا جائے گا۔ صدر نے مزید کہا کہ نتانیہو کو رسمی درخواست دینی ہوگی اور اسے بھی دیگر درخواستوں کی طرح سنجیدگی سے جانچا جائے گا۔

ہرتزوگ نے زور دیا کہ ان کا مقصد ہمیشہ اسرائیلی عوام کے مفاد میں فیصلہ کرنا ہے اور ان کے لیے اولین، دوم اور تیسری ترجیح یہی ہے۔ انہوں نے کہا: "میں ٹرمپ کی دوستی اور ان کی رائے کا احترام کرتا ہوں، لیکن اسرائیل آزاد اور خودمختار ہے۔

اس سے قبل، نتن یاہو نے اپنے چاروں الزامات پر اقرار کیے بغیر اور پشیمانی ظاہر کیے بغیر عفو کی درخواست دی تھی، جو اسرائیل کے عدالتی نظام میں غیر معمولی اقدام سمجھا جاتا ہے۔ اس درخواست کا پس منظر انتخابات کے قریبی نتائج اور نتانیہو کی سیاسی بقا کے خدشات ہیں۔

رپورٹس کے مطابق، امریکی صدر ڈونلڈ ٹرمپ نے نتانیہو کے لیے عفو کی حمایت کی ہے اور فلسطین اشغالی کے دورے کے دوران کنست میں اپنے خطاب میں بھی اس بات پر زور دیا۔ تاہم، ہرتزوگ نے اس بارے میں کسی ممکنہ امریکی ردعمل پر تبصرہ کرنے سے گریز کیا اور کہا کہ معاملے کو عمومی نقطہ نظر سے دیکھنا چاہیے اور انتہا پسندی کی سناریوز سے بچنا ضروری ہے۔