ٹرمپ اور ان کے دو بچوں کی عدالت میں حاضر ہونے کا حکم

?️ 21 فروری 2022

سچ خبریں:نیویارک کے اٹارنی جنرل نے امریکہ کے سابق صدر ٹرمپ اور ان کے دو بڑے بچوں کو فیملی بزنس کیسز کی تحقیقات کے سلسلہ میں عدالت میں گواہی کے لیے طلب کیا ہے ۔
دی گارڈین کی رپورٹ کے مطابق نیویارک کے اٹارنی جنرل لیٹیشیا جیمز نے سابق امریکی صدر ڈونلڈ ٹرمپ اور ان کے دو بچوں کو خاندانی ملکیت کے اثاثوں کی قیمتوں میں چھیڑ چھاڑ کی سنگین تحقیقات کے تحت اگلے تین ہفتوں میں عدالت میں حاضر ہونے کا حکم دیا ہے۔

واضح رہے کہ ڈونلڈ جونیئر ٹرمپ اور ایوانکا ٹرمپ” کو عدالت میں حاضر ہونے کے حکم نے سابق امریکی صدر کے لیے قانونی خطرات کو بڑھا دیا ہے جبکہ ٹرمپ خاندان نیویارک کے اٹارنی جنرل کو دستاویزات، معلومات اور گواہی کی درخواست کرنے سے روکنے کی کوشش کر رہا ہے۔

نیویارک کے اٹارنی جنرل کے بارے میں کہا جاتا ہے کہ وہ اس بات کی تحقیقات کر رہے ہیں کہ آیا ٹرمپ انتظامیہ نے قرض لینے اور ٹیکس کا بوجھ کم کرنے کے لیے اپنے اثاثوں کے گمراہ کن جائزوں کا استعمال کیا گارڈین کی خبر کے مطابق جمعرات کو دو گھنٹے کی سماعت کے بعد جج نے ٹرمپ کے وکلاء کی طرف سے پیش کردہ دلائل کو مسترد کر دیا۔

سابق امریکی صدر کے وکلاء کا کہنا تھا کہ عدالت کو دیوانی مقدمے میں ٹرمپ سے پوچھ گچھ نہیں کرنی چاہیے کیونکہ یہ معلومات ان کے خلاف جاری فوجداری کارروائی میں استعمال ہو سکتی ہیں۔