مغربی کنارے میں مزاحمت کو روکنا ایک سراب سے زیادہ کچھ نہیں:جہاد اسلامی

🗓️ 8 دسمبر 2022

سچ خبریں:فلسطین کی جہاد اسلامی تحریک کے قائدین میں سے ایک احمد المدلل نے تاکید کی کہ جب تک صیہونی حکومت کا غاصبانہ قبضہ جاری رہے گا، جہاد اور جدوجہد جاری رہے گی جو ہمارے شہداء کی وصیت ہے۔

فلسطین کی جہاد اسلامی تحریک کے رہنماوں میں سے ایک احمد المدلال نے المسیرہ کے ساتھ گفتگو میں تاکید کی کہ جب تک صیہونی حکومت کا قبضہ جاری رہے گا، جہاد اور جدوجہد جاری رہے گی اور یہی فلسطینی شہداء کی وصیت ہے،خاص طور پر حال ہی میں شہید ہونے والے محمد السعدی اور نعیم الزبیدی۔

انہوں نے مزید کہا کہ صیہونی دشمن یہ سمجھتا ہے کہ جب ہمارے ایک کمانڈر کو قتل کر دیا جائے گا تو مزاحمت ختم ہو جائے گی لیکن یہ ان کا وہم ہے کیونکہ فلسطینیوں کی شہادت سے انتقام کے شعلے پہلے سے زیادہ بھڑکیں گے، المدلال نے جنین کے شہداء کا ذکر کرتے ہوئے مزید کہا کہ صیہونیوں کے ہاتھوں شہید ہونے والے ہر مجاہد کی شہادت کے بعد ہم دیکھتے ہیں کہ عوام مزاحمت کے مزید قریب ہوتی جارہی ہے اور اس کی مزید حمایت کرتی ہے۔

انہوں نے مزید کہا کہ مغربی کنارہ اور قدس فلسطین کے قومی منصوبے کے مرکز میں ہیں اور مغربی کنارے کے علاقے کی اہمیت کو دیکھتے ہوئے صیہونی حکومت اس علاقے میں مزاحمت کو خاموش کرنے کی کوشش کر رہی ہے لیکن یقیناً وہ اس مقصد کو حاصل کرنے میں ناکام رہے گی۔