مغربی سفارتکاروں کے سعودی عرب کے دورے اور لبنان کی صورتحال

8 جولائی 2021

سچ خبریں:ایک لبنانی اخبار نے سعودی عرب میں مغربی سفارتی عہدہ داروں کی نقل وحرکت اور لبنان کے ساتھ اس کے تعلقات کا انکشاف کیا ہے۔
آج جمعرات کو لبنانی اخبار الجمہوریہ نے اپنی ایک رپورٹ میں امریکی اور فرانسیسی سفارتکاروں کے ریاض کے دورے کا ذکر کرتے ہوئے لکھا ہے کہ یہ دورےمغربی ایگزیکٹو کاروائی کی عکاسی کرتے ہیں جو لبنان میں سعودی فریق کی شراکت کے ساتھ اٹھائے جائیں گے۔

اخبار نے خصوصی ذرائع کے حوالے سے نقل کیا ہے کہ فرانسیسی اور امریکی سفیروں کے سعودی دارالحکومت ریاض کا دورہ لبنان میں حکومت سازی کو مسلط کرنے کے لئے سعودی فریق کی شراکت سے امریکی اور فرانسیسی ایگزیکٹو اقدامات کی عکاسی کرتا ہے،اس سوال کے جواب میں کہ اس سے پہلے کہ سعد حریری نے استعفیٰ دے دیں اور معافی مانگ لیں کیا اس دورے سے لبنان میں نئی حکومت کے قیام کی راہ ہموار ہوگی ؟۔

ذرائع نے اخبار کو بتایا کہ اس سفر سے معلوم ہوا ہے کہ فرانسیسی اور امریکی ان لوگوں سے ناراض ہیں جنہوں نےاس ملک میں اس حکومت کے قیام کو روکا جس کا مطلب یہ ہے کہ وہ حریری کی سربراہی میں حکومت کے قیام کی مخالفت نہیں کرتے ہیں کیونکہ ہم جانتے ہیں کہ اگر الحریری کے علاوہ کسی سنی شخصیت کی سربراہی میں نئی حکومت ان کے مدنظر ہوتی تو وہ کسی بھی طرح سے اس کا اظہار کرتے اور اس شخص کو متبادل کے طور پر پیش کرتے جبکہ ہم سب جانتے ہیں کہ لبنان میں کوئی راز کی بات نہیں ہے۔

واضح رہے کہ اس وقت لبنان ایک ایسے سیاسی بحران کا سامنا کر رہا ہے جو خود حکومت تشکیل دینے کے عہدیداروں کی نا اہلی کے نتیجہ میں پیدا ہوا ہے کیونکہ سعد الحریری کو کئی ماہ قبل وزیر اعظم کے عہدے کے لیے دعوت دینے کے باوجود لبنان اب ایک معاشی بحران کا شکار ہے جس کی وجہ سے لیرے کی قیمت کی تاریخی گراوٹ آئی ہے اور اس کا اثر بجلی اور دواؤوں جیسے دیگر زندگی کے مسائل میں بحران کی شکل میں ظاہر ہوئی ہے۔