مشرقی غزہ میں ایک اور صیہونی جارحیت

?️ 23 ستمبر 2023

سچ خبریں: فلسطینی ذرائع نے غزہ کے مشرق میں مزاحمتی فورسز کے ٹھکانوں پر صیہونی فوج کے فضائی اور زمینی حملوں کی اطلاع دی ہے۔

المیادین چینل کی رپورٹ کے مطابق صہیونی فوج نے غزہ کے مشرق میں فلسطینی مزاحمتی فورسز کے ٹھکانوں کو اپنے فضائی اور توپ خانے سے نشانہ بنایا۔

یہ بھی پڑھیں: غزہ پر صیہونیوں کی بمباری

فلسطینی ذرائع نے بتایا ہے کہ ان حملوں میں متعدد فلسطینی زخمی ہوئے ہیں،صیہونی حکومت سے تعلق رکھنے والے ایک جنگے طیارے نے غزہ کے مشرق میں واقع ملکہ کے علاقے میں فلسطینی مزاحمتی فورسز کے مشاہداتی ٹاورز میں سے ایک پر 2 میزائل داغے اور اسے نشانہ بنایا۔

اس کے علاوہ غزہ کے مشرق میں واقع حجر الدیک اور الزیتون کے درمیان کے علاقے میں ایک اور مشاہداتی ٹاور کو صیہونی حکومت کے توپ خانے کے حملوں کا نشانہ بنایا گیا۔

درایں اثنا خانیونس کے مشرق میں بھی فلسطینی مزاحمتی فورسز کے ٹھکانے کو توپ خانے سے نشانہ بنایا گیا،تحریک حماس کے ترجمان عبداللطیف القانوع نے اس بات پر زور دیا کہ صہیونی فوج کے یہ حملے اور غزہ کی پٹی کی سرحدوں کے قریب فلسطینیوں کو نشانہ بنانا فلسطینی قوم کے خلاف تل ابیب کی پے درپے جارحیت کے تناظر میں ہوئے ہیں۔

غزہ کی پٹی میں فلسطینی وزارت صحت نے اعلان کیا ہے کہ مشرقی غزہ میں اسرائیلی قابض فوج کی فائرنگ سے کم از کم 22 فلسطینی زخمی ہوئے۔

مزید پڑھیں: غزہ اور مغربی کنارے کیا ہونے جا رہا ہے؟

اس رپورٹ کے مطابق جمعہ کی شام غزہ کے مشرق میں ان پر صیہونی فوج کے حملے میں متعدد فلسطینی زخمی ہوئے،صیہونی فوجیوں نے غزہ کے مشرق میں صیہونی علاقوں کو الگ کرنے والی دیوار کے قریب جمع ہونے والے فلسطینیوں پر صیہونی فوجی ٹھکانوں اور گاڑیوں کے اندر سے گیس بم اور آنسو گیس کے گولے برسائے۔