فلسطین پر اسرائیلی دہشت گردی کو دیکھتے ہوئے اقوام متحدہ کی سلامتی کونسل نے تیسری بار اہم اجلاس طلب کرلیا

?️ 14 مئی 2021

جنیوا (سچ خبریں) فلسطین پر اسرائیلی دہشت گردی کو دیکھتے ہوئے اقوام متحدہ کی سلامتی کونسل نے تیسری بار اہم اجلاس طلب کرلیا ہے جس میں فلسطین پر ہونے والے دہشت گردانی حملوں سے متعلق گفتگو کی جائے گی۔

مقبوضہ فلسطینی علاقوں میں حالیہ تناؤ کا جائزہ لینے کے لئے اقوام متحدہ کی سلامتی کونسل اتوار کے روز ہفتے میں تیسری مرتبہ اجلاس کررہی ہے۔

انتھونی بلنکنکی جانب سے مقبوضہ فلسطینی علاقوں میں تناؤ کو کم کرنے کی کوششوں کے بارے میں اپنے آسٹریلیائی ہم منصب کے ساتھ ایک نیوز کانفرنس میں گفتگو کے بعد، اقوام متحدہ میں امریکی مستقل نمائندے لنڈا تھامس گرین فیلڈ نے سلامتی کونسل کا اجلاس بلانے پر اتفاق کرنے کے بارے میں اطلاع دی ہے۔

انہوں نے اپنی ایک ٹویٹر پوسٹ میں لکھا کہ اسرائیل اور غزہ کی صورتحال کے بارے میں اقوام متحدہ کی سلامتی کونسل کا اجلاس اتوار کے روز ہوگا۔

اقوام متحدہ میں امریکی مستقل نمائندے نے مزید کہا کہ کشیدگی کم کرنے کی کوشش میں امریکہ اعلی سطح پر سفارت کاری عمل کو جاری رکھے گا۔

واضح رہے کہ سلامتی کونسل کے اس سے قبل ہونے والے اجلاس میں امریکا نے اقوام متحدہ کی سلامتی کونسل کو قابض صیہونی ریاست اسرائیل اور فلسطین کے مابین کشیدگی کے بارے میں ویٹو کا استعمال کرتے ہوئے عوامی بیان سے روک دیا تھا۔

البتہ ابھی بھی یہ واضح نہیں ہے کہ اتوار کے روز ہونے والے اس اجلاس جو علنی طور پر منعقد ہوگا کیا کم سے کم اسرائیل کے خلاف ایک بیانیہ بھی جاری کیا جائے گا یا نہیں؟

قابل ذکر ہے کہ روس اور اقوام متحدہ کے سکریٹری جنرل نے بھی یہ اجلاس منعقد کرنے کا مطالبہ کیا ہے۔

اقوام متحدہ کے سکریٹری جنرل کے سیاسی مشیر رزماری ڈیکارلو نے بھی اس بارے میں کہا ہے کہ غزہ اور اسرائیل کے مابین جاری جنگ اور دشمنی بند کرنی ہوگی، فلسطینی اور اسرائیلی شہری ناقابل برداشت قیمت ادا کر رہے ہیں۔

انہوں نے مزید کہا کہ اس دشمنی کو امن اور صلح میں بدلنا ہوگا، ہم جانتے ہیں کہ اگر ایسا نہ کیا گیا تو آئندہ اس کے خراب نتائج سامنے آسکتے ہیں جو قابل برداشت نہیں ہوں گے۔

واضح رہے کہ اس سے قبل منگل کو اقوام متحدہ کے ترجمان اسٹیفن ڈوجرک نے بتایا کہ اقوام متحدہ تمام متعلقہ فریقین کے ساتھ مل کر کشیدہ صورتحال کو فوری طور پر کم کرنے کی کوشش کررہا ہے۔