سچ خبریں:صیہونی حکومت کی طرف سے لبنانی فوج کی مدد کی پیشکش کی خبر کے بعد حزب اللہ کے نائب سکریٹری نے کہا کہ مزاحمتی قوت صیہونی دشمن کو لبنان میں داخل نہیں ہونے دے گی اور اس مسئلے کا مقابلہ قربانیوں اور خون سے کرے گی۔
المنار چینل کی رپورٹ کے مطابق حزب اللہ کے ڈپٹی سکریٹری شیخ نعیم قاسم نے کہاکہ حزب اللہ کے خلاف ایک بین الاقوامی، مقامی اور علاقائی منظم مہم جاری ہے، جو نہ صرف حزب اللہ کی مزاحمت کے خلاف ہے، بلکہ سیاسی عوامی ثقافتی اور تعلیمی میدان میں بھی حزب اللہ کی موجودگی کے خلاف ہے۔
انہوں نے مزید کہا کہ حزب اللہ کے خلاف سیاسی، اقتصادی اور عسکری طور پر دشمنوں نے ہر حربہ آزما لیا ہے لیکن یہ تحریک ختم نہیں ہوئی بلکہ مزید مضبوط ہوئی ہے، نعیم قاسم نے کہا کہ مزاحمتی قوت صیہونی دشمن کو لبنان میں داخل ہونے کی اجازت نہیں دے گی اور قربانیوں اور خون سے اس مسئلے کا مقابلہ کرے گی۔
انہوں نے مزید کہا کہ کچھ لوگ جائیداد اور عہدوں کے لیے حزب اللہ پر حملے کر رہے ہیں لیکن اس طرح مزاحمت کی مقبولیت میں اضافہ ہو گا کیونکہ وہ ملک اور اس کے مستقبل کا دفاع کر رہی ہے،شیخ نعیم قاسم نے اپنی بات کو جاری رکھتے ہوئے کہاجو لوگ حزب اللہ سے لڑ رہے ہیں اور ان کا جواز یہ ہے کہ یہ تحریک خطے کے منظر نامے پر اثر انداز ہونے اور اپنے مزاحمتی منصوبے کو آگے بڑھانے نیزعلاقے میں مزاحمتی مجاہدین کے لیے ایک فکر بننے میں کامیاب رہی ہے۔
