فلسطینیوں کے خلاف تازہ ترین صیہونی جارحیت

?️ 8 اگست 2023

سچ خبریں: صیہونی فوجیوں نے الخلیل کے جنوب میں واقع گاؤں مسافریطا میں فلسطینیوں کی املاک کو ضبط کر لیا۔

مرکزاطلاعات فلسطین کے مطابق صیہونی حکومت کے فوجیوں نے الخلیل کے جنوب میں واقع گاؤں مسافریطا میں فلسطینیوں کی املاک کو ضبط کرلیا۔

یہ بھی پڑھیں: صیہونیوں کی لگام کسنے کا وقت آگیا ہے:فلسطینی اتھارٹی

مقامی ذرائع نے اعلان کیا ہے کہ صیہونی حکومت کی قابض فوج کے جوانوں نے عمارت کی تعمیر نو کے دوران الخلیل کے جنوب میں واقع گاؤں مسافریطا میں مقیم ایک فلسطینی شہری کی ایک الیکٹرک موٹر اور کچھ تعمیراتی سامان قبضے میں لے لیا۔

اس کے علاوہ جنین کے مغرب میں صیہونی حکومت کے فوجیوں نے ایک معذور فلسطینی نوجوان کو گرفتار کر لیا،مقامی ذرائع نے اعلان کیا کہ اس معذور فلسطینی نوجوان کی گرفتاری قابض صہیونی فورسز کے ہاتھوں زد و کوب کے بعد عمل میں لائی گئی۔

اسی دوران صیہونی حکومت کے فوجیوں کی ایک بڑی تعداد نے اس علاقے پر چھاپہ مارا اور اس کے داخلی راستوں پر چوکیاں قائم کیں، صہیونی فوج کی ان کارروائیوں کے نتیجے میں فلسطینی نوجوانوں اور غاصبوں کے درمیان شدید جھڑپیں ہوئیں۔

مزید پڑھیں: اسرائیل تباہی کی راہ پر گامزن:عطوان

دوسری خبر یہ ہے کہ رام اللہ کے شمال میں شیلو کی صہیونی بستی کے قریب فلسطینی نوجوانوں نے ایک صیہونی آباد کار کی گاڑی پر پتھراؤ کرکے اسے زخمی کردیا۔