غزہ کی پٹی میں ایک اور صحافی شہید

?️ 25 اپریل 2024

سچ خبریں: خبر رساں ذرائع نے غزہ کی پٹی میں موجود ایک اور صحافی کی شہادت کی خبر دی ہے۔

شہاب نیوز ایجنسی کی رپورٹ کے مطابق صہیونی فوج نے غزہ کی پٹی میں موجود ایک اور صحافی کو شہید کردیا۔

یہ بھی پڑھیں: اسرائیل جان بوجھ کر غزہ میں صحافیوں کو قتل کر رہا ہے:اقوام متحدہ

خبر رساں ذرائع نے اطلاع دی ہے کہ گزشتہ رات رفح کے مشرق میں واقع قصبے الجنینہ پر صہیونی فوج کے حملے کے نتیجے میں زخمی ہونے والے فلسطینی صحافی محمد بسام الجمل زخموں کی تاب نہ لاتے ہوئے شہید ہو گئے۔ اس طرح صیہونی فوج کے اس حملے میں شہید ہونے والوں کی تعداد 6 ہو گئی ہے۔

واضح رہے کہ میڈیا رپورٹس کے مطابق گذشتہ سال 7 اکتوبر کو اس پٹی پر صیہونی فوج کے حملے کے آغاز کے بعد سے غزہ کی پٹی میں میڈیا کے شہداء کی تعداد 141 تک پہنچ گئی ہے۔

مزید پڑھیں: غزہ کے صحافیوں کو دہشت گردی کا نشانہ بنانے اور شخصیت کشی کرنے سے نیتن یاہو کا مقصد کیا ہے؟

یاد رہے کہ صیہونی فوج نے غزہ کی پٹی پر اپنے وحشیانہ حملوں کے آغاز سے ہی اس حکومت کے گھناؤنے جرائم کی خبروں کی اشاعت کو روکنے کے مقصد سے غزہ کی پٹی میں صحافیوں کو جان بوجھ کر قتل کیا ہے تاکہ اس درندہ صفت حکومت کا چہرہ دنیا کے سامنے عیاں نہ ہو سکے۔