غزہ میں کتنی سرنگیں ہیں؟ امریکی اخبار کی زبانی

?️ 18 جنوری 2024

سچ خبریں: امریکی اخبار نے اپنی ایک رپورٹ میں غزہ کی پٹی میں حماس کی سرنگوں کی لمبائی پر صیہونی فوج کے اعلیٰ حکام کی حیرت کا انکشاف کیا ہے۔

نیویارک ٹائمز نے آج اپنی ایک رپورٹ میں لکھا ہے کہ گزشتہ دسمبر میں صیہونی اعلیٰ حکام کا خیال تھا کہ غزہ میں سرنگوں کی لمبائی 400 کلومیٹر ہے لیکن اب اندازوں سے معلوم ہوتا ہے کہ حماس کی سرنگوں کا یہ نیٹ ورک 560 سے 720 کلومیٹر تک پھیلا ہوا ہے اور ان سرنگوں سے باہر نکلنے کے لیے 5700 سے زیادہ راستے ہیں۔

یہ بھی پڑھیں: غزہ کی سرنگیں کیسی ہیں، صیہونی میڈیا کیا کہتا ہے؟

اس اخبار نے مزید کہا کہ اسرائیلی حکام کا اندازہ ہے کہ صرف خان یونس شہر میں 160 کلومیٹر طویل سرنگیں ہیں۔

گزشتہ روز مغربی ذرائع نے اطلاع دی تھی کہ صہیونی غزہ میں حماس کی سرنگوں کی گہرائی اور ان کے اعلیٰ معیار سے حیران ہیں۔

امریکی اور اسرائیلی حکام نے کہا ہے کہ غزہ کی پٹی میں حماس کی جانب سے بنائی گئی سرنگوں کی وسعت، گہرائی اور معیار نے ہمیں حیران کر دیا ہے۔

انھوں نے اس بات پر بھی زور دیا کہ حماس نے ان سرنگوں کی تعمیر کے لیے ایسے مواد کا استعمال کیا ہے جس نے تل ابیب کو مکمل طور پر حیران کردیا۔

مزید پڑھیں: کیا حماس کی سرنگوں نے کام کیا؟

امریکی اور اسرائیلی حکام نے بتایا کہ ہمارا اندازہ تھا کہ حماس کی سرنگیں 350 سے 450 میل تک پھیلی ہوئی ہیں جبکہ اب ہمارا اندازہ ہے کہ تقریباً 5700 علیحدہ سرنگیں ہیں جو غزہ میں سرنگوں کے نیٹ ورک سے جڑی ہوئی ہیں۔