عین الاسد میں ایک بار پھر خطرے کے سائرن کی آواز

6 جون 2021

سچ خبریں:اتوار کی صبح مغربی عراق کے صوبہ الانبار میں واقع امریکی فوجی اڈے عین الاسد میں خطرے کے سائرن بجنے کی آواز سنائی دی۔
عراقی میڈیا کی رپورٹ کے مطابق بغداد ڈپلومیٹک اسپورٹ سینٹر (بی ڈی ایس سی) کے قریب میزائل داغے جانے کے بعد امریکی فوجی اڈے الاسد میں سائرن کو چالو کردیا گیا تھا،ایک عراقی سکیورٹی اہلکار نے نام ظاہر نہ کرنے کی شرط پر بات کرتے ہوئے شفق نیوز کو بتایا کہ عین الاسد اڈے پر زیادہ سے زیادہ الرٹ میں سائرن کو چالو کرنا اور [انسداد] میزائل کاروائی کے لئے تیار کرنے کی وارننگ بھی شامل ہے۔

انہوں نے مزید کہاکہ اس میزائل حملے میں کسی قسم کا جانی نقصان نہیں ہوا ہے،درایں اثناداعش کے خلاف امریکہ کے زیرقیادت بین الاقوامی اتحاد کے ترجمان وین ماروٹو نے اپنے ایک ٹویٹ میں لکھا کہ عراقی حکومت ، اتحاد اور تنظیموں کے رہنماؤں پر ہونے والا ہر حملہ عراقی اداروں کی خودمختاری ، قانون کی حکمرانی اور اس ملک کی قومی خودمختاری کو نقصان پہنچاتا ہے۔

ادھر بغداد بین الاقوامی ہوائی اڈے پرواقع وکٹوریہ ملٹری بیس نے ایک دفاعی نظام کھولا ہے جو پورے اڈے پر محیط ہوگا،یادرہے کہ ماضی میں بھی اس اڈے کو بار بار میزائلوں نے نشانہ بنایا گیاہے،عراقی افواج کے ہمراہ بغداد بین الاقوامی ہوائی اڈے کے فوجی حصے میں امریکی فوج سمیت غیر ملکی بین الاقوامی فوجیں بھی موجود ہیں جس کی وجہ سے اس اڈے کو نشانہ بنایا جاتا ہے۔