عرب صرف تلوار سے ڈانس کر سکتے ہیں:مشتاق احمد خان

?️ 16 مئی 2021

پشاور(سچ خبریں) پشاور میں پریس کانفرنس کے دوران مشتاق احمد خان نے کہا کہ فلسطین انبیاء کرام کی سرزمین ہے جو امتِ مسلمہ کے پاس امانت ہے انہوں نے کہا کہ اسرائیل کے مظالم نے دنیا کو تیسری جنگ عظیم کے کنارے پر لاکھڑا کیا ہے انا کا کہنا تھا مسجدِاقصی اور فلسطین کے مسلمانوں کے ساتھ دل دھڑکتا ہے۔

امیرِ جماعت اسلامی کے پی نے مزید کہا کہ بانی پاکستان قائداعظم محمد علی جناح نے اسرائیل کو ناجائز ریاست قرار دیا تھا، ہم فلسطین میں ہونے والے مظالم کی مذمت کرتے ہیں۔

اُن کا کہنا تھا کہ فلسطینیوں کے لیے فنڈ جمع کرنے کے لیے غزہ فنڈ قائم کر رہے ہیں، 30 مئی کو پشاور میں آزادی قبلہ اول ملین مارچ کریں گے۔

مشتاق احمد خان نے یہ بھی کہا کہ حکومت پارلیمنٹ کا مشترکہ اجلاس بلائے، عرب اسلاف کی تلوار کے ساتھ صرف ڈانس کرتے ہیں۔