عرب لیگ عرب ممالک کے حالات کا آئینہ:بشار الاسد

?️ 26 جولائی 2022

سچ خبریں:الجزائر کے وزیر خارجہ کی میزبانی کرنے والے شامی صدر نے عرب لیگ پر تنقید کرتے ہوئے اس بات پر زور دیا کہ شامی عوام اس ملک کے تئیں الجزائر کے موقف کو فراموش نہیں کریں گے۔
شام کی سرکاری خبر رساں ایجنسی سانا کی رپورٹ کے مطابق شام اور الجزائر کے درمیان مشترکہ اصولوں اور اقدار پر مبنی برادرانہ تعلقات کی مضبوطی اور تعلقات کو فروغ دینے کی دونوں فریقوں کی خواہش شامی صدر اور الجزائر کے وزیر خارجہ کے درمیان ہونے والی ملاقات کے اہم ترین موضوعات تھے۔

واضح رہے کہ الجزائر کے وزیر خارجہ رمطان لعمامرة نے اپنے ملک کے صدر عبدالمجید تبون کی طرف سے اسد کو ایک پیغام بھی پہنچایا جس میں دو طرفہ تعلقات میں توسیع، خطے کے مسائل کے حوالے سے فریقین کے درمیان مشاورت اور ہم آہنگی کا تسلسل نیز الجزائر میں ہونے والے عرب ممالک کے سربراہی اجلاس کی تیاریوں کا ذکر کیا گیا تھا۔

اسد نے الجزائر کی قوم اور حکومت کی تعریف کرتے ہوئے کہا کہ شامی قوم اپنے ملک کے خلاف جنگ میں الجزائر کے موقف کو کبھی فراموش نہیں کرے گی اور ہمیشہ یاد رکھے گی کہ الجزائر ایک برادر ملک ہے جو اپنے اصولوں اور عربیت پر کاربند ہے۔

انہوں نے اس بات پر تاکید کرتے ہوئے کہ شام الجزائر کے ساتھ تعاون کے نئے افق کی تلاش میں ہے، واضح کیا کہ عرب لیگ عرب حالات کا آئینہ ہے، تاہم شام کے لیے جو چیز اہم ہے وہ مشترکہ عرب سرگرمیوں کا نتیجہ ہے۔