سچ خبریں:عراقی ذرائع نےاس ملک کے جنوبی صوبہ نینوا میں عراقی عوامی تنظیم الحشد الشعبی کے ذریعہ سکیورٹی کاروائیوں کی اطلاع دی۔
بغداد الیوم کی رپورٹ کے مطابق عراقی ذرائع نےاس ملک کے جنوبی صوبہ نینوا میں الحشد الشعبی کے آپریشن کی اطلاع دی، الحشد الشعبی کےانفارمیشن آفس نے بتایا کہ نینواکے جنوب مغرب میں شیخ یونس، الدباشه اور کوه نوکیط کے دیہاتوں کو دہشت گردوں کے وجود سے پاک کرنے کے لئے ایک آپریشن شروع کیا گیا ہے۔
الحشد الشعبی کے انفارمیشن آفس کی جانب سےجاری ہونے والے بیان میں کہا گیا ہےکہ یہ آپریشن داعش کے زندہ بچ جانےوالے دہشت گردوں کی تلاش اور ان دیہاتوں میں سلامتی اور استحکام کو مستحکم کرنے کے لئے کیا جا رہا ہے، دوسری طرف الحشد الشعبی کے ایک کمانڈر محمد التمیمی نے شمال مشرقی دیالی میں ایک دہشت گردانہ حملے کو پسپا کرنے کا اعلان کیا۔
انہوں نے مزید کہاکہ بعقوبہ سے 105 کلومیٹر شمال مشرق میں واقع خانقین کے شمال میں ایک سکیورٹی مرکز کو نشانہ بنایا گیا ہے، التمیمی نے اس بات پر زور دیا کہ الحشد الشعبی کے مجاہدین نے اس حملے کو پسپا کردیا اور داعش کو تلاش کرنے کے لئے علاقے میں بڑے پیمانے پر تلاشی شروع کردی ہے۔
واضح رہے کہ عراقی عوامی تنظیم الحشد الشعبی نے اپنے ملک کےدہشتگردوں کا خاتمہ کرنے کے لیے ٹھان رکھی ہے یہی وجہ ہے کہ یہ تنظیم امریکہ کی آنکھوں میں کھٹکتی ہے اور اس کو ہر طرح سے ناکام کرنے کے درپے ہے کبھی اندونی طور پر اختلاف ڈال کر عوام کو اس کے خلاف کرنے کی کوشش کرتا ہے اور کبھی براہ راست کو اس کو نشانہ بناتا ہے۔
