عراق کے خلاف نیا امریکی منصوبہ

?️ 15 جولائی 2023

سچ خبریں: عراقی جہاد اور تعمیراتی تحریک کے سکریٹری جنرل نے عراق میں بحران پیدا کرنے اور 2019 کے منظر نامے کو دہرانے کی امریکی کوششوں کی خبر دی۔

المعلومہ نیوز ایجنسی کی رپورٹ کے مطابق عراقی جہاد اور تعمیراتی تحریک کے سکریٹری جنرل جواد رحیم الساعدی نے کہا کہ امریکہ اس ملک میں بحران پیدا کرنے اور حکومت کے خلاف لوگوں کو بھڑکانے نیز2019 کے منظر کو دہرانے کے درپے ہے۔

یہ بھی پڑھیں: امریکہ عراق اور شام سے کیا چاہتا ہے؟

انہوں نے مزید کہاکہ واشنگٹن نے ایران پر پابندیاں عائد کر کے عراق کے عوام کو بجلی فراہم کرنے کی راہ میں رکاوٹیں ڈال کر اس ملک کے عوام کو حکومت سے ناراض کرنے کی کوشش کی کیونکہ ان پابندیوں کی وجہ سے بغداد، تہران کو بجلی کی رقم ادا نہیں کر سکتا۔

انہوں نے کہا امریکہ کی اس کاروائی کا مقصد عراقی عوام کو غصہ دلانا اور انہیں اس ملک کی حکومت کے خلاف اکسانا ہے۔

السعدی نے کہا کہ جب 2019 میں عادل عبدالمہدی کی حکومت عراق میں منصوبوں کے نفاذ پر عملدرآمد کے لیے چین کی طرف مائل ہوئی تو امریکی اس حکومت کے خلاف کھڑے ہو گئے اور عوام کو مشتعل کرکے اور سڑکوں پر لا کر عبدالمہدی کو کنارے کر دیا۔

مزید پڑھیں: امریکہ، عراق میں بجلی کے بحران کی سب سے بڑی وجہ

انہوں نے مزید کہا کہ امریکی عراق میں کسی بھی ایسی حکومت کے خلاف لڑیں گے جو اس ملک کے مفادات کو محسوس کرنے کی کوشش کرے گی۔

السعدی نے واضح کیا کہ امریکی حکومت کی پالیسی بحران پیدا کر رہی ہے،یہ ملک عراق میں عادل عبدالمہدی کی حکومت کے خلاف انجام دیے گئے منظر نامے کو دہرانا چاہتا ہے۔

یاد رہے کہ عراقی پارلیمنٹ کے نمائندوں میں سے ایک حسین السعبری نے اس سے قبل اس بات پر زور دیا تھا کہ اس ملک کے حالات کی خرابی اور عراق میں بجلی کا بحران کے پیدا ہونے کے پردے کے پیچھے امریکہ کے ہاتھ ہیں۔

انہوں نے مزید کہا کہ عراق کے اس بحران نے شہریوں کو مایوس کیا ہے اس لیے کہ بجلی کا بحران اور دن میں 2 سے 4 گھنٹے اس کا تعطل قابل قبول نہیں کیونکہ ہم موسم گرما میں ہیں۔