عراق نے داعش کا بین الاقوامی نیٹ ورک کو ختم کر دیا

عراق نے داعش کا بین الاقوامی نیٹ ورک کو ختم کر دیا

عراقی حکام نے اعلان کیا ہے کہ داعش کے ایک بڑے مالیاتی نیٹ ورک کو، جو ملک سے باہر سرگرم تھا، کامیاب کارروائی کے دوران ختم کر دیا گیا ہے۔

خبر رساں ادارے المعلومہ کے مطابق عراقی نیشنل انٹیلی جنس سروس نے بتایا کہ اس نیٹ ورک کے اہم اراکین گرفتار کر لیے گئے ہیں۔ یہ افراد دہشت گردوں کو مختلف ممالک کے درمیان منتقل کرنے اور مالی تعاون فراہم کرنے کے ذمہ دار تھے۔

بیان میں کہا گیا کہ یہ کارروائی عراقی اعلیٰ عدلیہ کی نگرانی میں انجام دی گئی۔ اس سے قبل 2023 میں بھی داعش کے ایک مالیاتی نیٹ ورک کو صوبہ کرکوک میں بے نقاب اور ختم کیا گیا تھا۔

مزید وضاحت میں بتایا گیا کہ مشتبہ عناصر کو کئی مغربی افریقی ممالک میں ان کی سرگرمیوں اور رابطوں پر نظر رکھنے کے بعد گرفتار کیا گیا۔ یہ افراد نہ صرف داعش کو مالی وسائل مہیا کر رہے تھے بلکہ مختلف ملکوں میں دہشت گردانہ کارروائیوں کی منصوبہ بندی میں بھی شامل تھے۔