عراق میں7 ترک فوجی ہلاک

4 مئی 2022

سچ خبریں:عراقی کردستان کی پی کے کے پارٹی کا کہنا ہے کہ انہوں نے اس ملک میں دراندازی کرنے والے سات ترک فوجیوں کو ہلاک کیا ہے۔
عراقی کردستان کی جماعت پی کے کے (PKK)نے شمالی عراق میں ترکی کے 7 فوجیوں کی ہلاکت کی صدیق کی ہے،پی کے کے(PKK)کے رہنما آرام بایک نے ترکی کے فوجیوں کی ہلاکت کی تصدیق کرتے ہوئے کہا کہ ترکی کے فوجی شمالی عراق کے علاقے زاپ میں در اندازی کی کوشش کر رہے تھے جس کے دوران پی کے کے (PKK) کے ساتھ ان کی جھڑپ ہوئی اور اس طرح ترکی کے 7 فوجی ہلاک ہوئے۔

واضح رہے کہ ترکی کے 7 فوجیوں کی ہلاکت پر ترکی کی وزارت دفاع کی خاموشی پر پی کے کے کے رہنما آرام بایک نے کہا کہ ترکی کی فوجیوں کی ہلاکت کے علاوہ ترکی کو کافی مالی نقصان بھی ہوا ہے۔

یاد رہے کہ ترکی نے (PKK) کا مقابلہ کرنے کے بہانے عراق کے کئی علاقوں پر قبضہ کر رکھا ہے اور آئے دن اس ملک میں بمباری سمیت متعدد فوجی کاروئیاں کرتا رہتا ہے جسے عراقی حکومت قبضہ اور اپنے ملک کی ارضی سالمیت کی خلاف ورزی کی نظر سے دیکھتی ہے نیز عراقی عوام اور متعدد سیاسی شخصتیں بارہا ترکی کو اس ملک سے چلے جانے کا کہہ چکی ہیں تاہم ترک حکام پر اس کا کوئی اثر نہیں ہوا اور وہ اپنی کاروائیاں جاری رکھے ہوئے ہے۔