صیہونیوں کی عراق میں داعش کی حمایت

?️ 5 اپریل 2022

سچ خبریں:عراق کے ایک سکیورٹی ماہر نے کردستان کے علاقے میں صیہونی حکومت کی انٹیلی جنس سروس کے ہیڈ کوارٹر کے وجود پر کڑی تنقید کرتے ہوئے کہا ہے کہ صیہونی عراق میں داعش کی حمایت کرتے ہیں۔
المعلومہ نیوز ایجنسی کی رپورٹ کے مطابق عراق کے سکیورٹی ماہر علی الوائلی نے اپنے تازہ ترین موقف میں خبردار کیا کہ صیہونی حکومت کی جانب سے عراق میں داعش کے چھپے ہوئے خلیوں کی حمایت کی جا رہی ہے، رپورٹ کے مطابق سیکورٹی ماہر نے واضح کیا کہ حقیقت یہ ہے کہ کردستان کے علاقے میں موساد کے ہیڈکوارٹر کی موجودگی عراق کی سیکورٹی کے لیے خطرہ ہے۔۔

انھوں نے مزید کہا کہ اربیل کا کردستان کے علاقے میں موساد کے ہیڈکوارٹر کے قیام کی اجازت دینے کا اقدام عراقی آئین کی صریح خلاف ورزی ہے، عراقی عہدہ دار نے کہا کہ غاصب صیہونی حکومت عراق پر حملہ نہیں کر سکے گی کیونکہ اس صورت میں اسے ملکی، علاقائی اور بین الاقوامی فریقوں کی طرف سے شدید مذمت کا سامنا کرنا پڑے گا،یہی وجہ ہے کہ تل ابیب نے عراق میں داعش کے چھپے ہوئے سیلوں کی حمایت کو اپنے ایجنڈے میں شامل کر رکھا ہے۔

یاد رہے کہ حال ہی میں عراق میں عصائب اہل الحق تحریک کے سکریٹری جنرل شیخ قیس الخزعلی نے اربیل میں صیہونی حکومت کی انٹیلی جنس سروس کے ہیڈ کوارٹر پر ایرانی پاسداران انقلاب کے حالیہ راکٹ حملے کے بارے میں بات کرتے ہوئے کہا کہ ہم اس بات کو قبول نہیں کرتے کہ عراقی سرزمین پڑوسی ممالک کے لیے خطرہ بن جائے۔

عصائب اہل الحق تحریک کے سکریٹری جنرل نے کہا کہ موساد کے ہیڈکوارٹر پر حملے دنیا میں ہر جبکہ قانونی ہیں ، اگر محمد بن سلمان ایسا حملہ کرتے ہیں تو ہم اس کی بھی مخالفت نہیں کریں گے۔