شمالی کوریا کا امریکہ کے خلاف فوجی سیٹلائٹس کی اہمیت پر زور

🗓️ 20 مئی 2023

سچ خبریں:شمالی کوریا کے رہنما کم جونگ ان نے امریکی سازشوں میں اضافے کے پیش نظر فوجی جاسوس سیٹلائٹ کے حصول کو اس ملک کے لیے اسٹریٹجک اہمیت کا حامل قرار دیا۔

شمالی کوریا کی مرکزی خبر رساں ایجنسی (KCNA) کی رپورٹ کے مطابق اس ملک کے رہنما کم جونگ ان اور ان کی بیٹی نے تزویراتی خلائی تنصیبات اور ملک کے پہلے فوجی سیٹلائٹ کے لانچ کی تیاری کے عمل کا دورہ کیا ۔

انہوں نے کہا کہ شمالی کوریا کے خلاف امریکی سامراج اور ان کے کٹھ پتلی ٹولے جنوبی کوریا کی محاذ آرائی کی سازشیں جتنی زیادہ ہوں گی، شمالی کوریا اپنی خودمختاری اور اپنے دفاع کے حق کے ساتھ اتنا ہی زیادہ جارحانہ رویہ اپناے گا،ہم ان کی سازشوں کو روکیں گے اوراپنے ملک کے لوگوں کی حفاظت کریں گے۔

یونہاپ خبر رساں ایجنسی کے مطابق اس رپورٹ کے حوالے سے کم نے فوجی جاسوس سیٹلائٹ ٹیکنالوجی کے قبضے کو شمالی کوریا کے لیے تزویراتی اہمیت کا حامل قرار دیا اور اس میدان میں مزید اسٹریٹجک اہداف پر زور دیا۔

یہ بتاتے ہوئے کہ شمالی کوریا کی سلامتی کی صورتحال کق ایک فوجی جاسوس سیٹلائٹ کی لانچنگ کی ضرورت ہے، انہوں نے کہا کہا کہ اس ٹیکنالوجی کا حصول دفاعی صلاحیت کو مضبوط بنانے میں مدد گار ہوگا نیز فوجی
ٹیکنالوجی کی ترقی اور خلا کی ترقی میں اہم تبدیلی پیدا کرے گا۔