شمالی شام میں امریکی حمایت یافتہ دہشتگردوں کے خلاف مظاہرہ

🗓️ 31 جنوری 2021

سچ خبریں:شام کے شمالی صوبہ دیر الزور کے ایک قصبے کے رہائشیوں نے امریکی حمایت یافتہ شامی ڈیموکریٹک فورسز کی کارروائیوں کے خلاف مظاہرہ کیا۔
شام کی سرکاری نیوز ایجنسی سانا کی رپورٹ کے مطابق شامی ذرائع نے امریکی حمایت یافتہ فورسز کے زیر کنٹرول علاقوں کے رہائشیوں کے وسیع پیمانے پر احتجاج کی اطلاع دی، مقامی ذرائع نے سانا کو بتایا دیر الزور کے نواحی قصبہ الصور کے رہائشیوں نے امریکی حمایت یافتہ عسکریت پسندوں کے خلاف بڑے پیمانے پر مظاہرے کیے،سانا کے مطابق مظاہرین نے مرکزی سڑکیں بند کر دیں اور عسکریت پسندوں کے ذریعہ علاقے میں متعدد نوجوانوں کے اغوا پر احتجاج کیا۔

واضح رہے کہ شامی ذرائع نےیہ بھی اطلاع دی تھی کہ امریکی قابضوں سے وابستہ ملیشیا نے مظاہرین پر فائرنگ کی تھی جو شامی ڈیموکریٹک فورسز یا امریکی حمایت یافتہ دھڑے کی کارروائیوں سے تنگ آکر مظاہرہ کررہے تھے،قابل ذکر ہے کہ واشنگٹن سے وابستہ ملیشیا شمالی شام کے شہریوں تک پانی ، خوراک اور دیگر ضروریات تک رسائی کو روک رہی ہے جس کی بنا پر ان شہروں میں آئے دن ان کے خلاف مظاہرے ہورہے ہیں ، تاہم عالمی برادری کو ٹس سے مس نہیں ۔