شام کی سب سے بڑی گیس فیلڈ پر امریکہ کا قبضہ

?️ 3 اپریل 2021

سچ خبریں:شام کے مقامی باخبر ذرائع نے اطلاع دی ہے کہ ملک کی سب سے بڑی گیس فیلڈ میں امریکی قابضین موجود ہیں۔
شام کی نے سرکاری خبر رساں ایجنسی سانا کی رپورٹ کے مطابق امریکہ کے ہاتھوں شام کے قدرتی وسائل کی چوری پر عالمی برادری کی خاموشی کی وجہ سے امریکی قابض افواج شام کے الجزیرہ علاقہ میں موجود تیل و گیس کی فیلڈ میں اپنے غیر قانونی فوجی اڈوں کو مضبوط بنارہی ہیں۔

رپورٹ کے مطابق شامی ذرائع نے اس ملک کے مشرق میں سب سے بڑی قدرتی گیس فیلڈ میں امریکی موجودگی کے مستحکم ہونے کا ذکر کرتے ہوئے لکھا کہ امریکی افواج نے کل رات کونیکو گیس فیلڈ میں بڑی مقدار میں فوجی سازوسامان ، اسلحہ اور رسد بھیجی، باخبر مقامی ذرائع نے بتایا کہ لیجسٹک اور فوجی سازوسامان لے جانے والا امریکی فوج کا ایک قافلہ کونیکو گیس فیلڈ میں واقع قابضین کے غیر قانونی فوجی اڈے میں داخل ہوا۔

واضح رہے کہ کونیکو گیس فیلڈ شام میں امریکہ کے زیر قبضہ سب سے بڑی گیس فیلڈ ہے، رپورٹ کے مطابق ، حالیہ مہینوں میں امریکیوں نے شام کے الجزیرہ خطے میں فوجی موجودگی کے مقصد کے لئے غیر قانونی گزرگاہوں سے اسلحہ اور فوجی اور رسد کا سامان لے جانے والے ہزاروں ٹرکوں کو غیر قانونی طور پر اسمگل کیا ہے ، جس کا مقصد تیل اور دیگر اثاثے چوری کرنانیز قدرتی وسائل سے مالامال اس علاقہ میں اپنی موجودگی کو مضبوط بنانا ہے۔

قابل ذکر ہے کہ شام کے مشرقی علاقے تیل کے وسائل سے مالا مال ہیں اور امریکہ اپنے افراد کی مدد سے شام کا تیل لوٹ رہا ہے اور اسمگل کررہا ہے، اس سے قبل بھی اسپوٹنک نیوز ایجنسی نے شام کے مقامی ذرائع کے حوالے سے بتایا تھا کہ امریکی افواج شام کے سب سے بڑی گیس فیلڈ کونیکو میں فوجیوں کو تربیت دے رہی ہیں، انہوں نے کونیکو گیس فیلڈ میں قابضین کی نقل و حرکت کا حوالہ دیتے ہوئے کہا کہ یہ ایک ایسی فیلڈ جو 10 ملین مکعب میٹر گیس پیدا کرتی ہے۔