شام میں انسانی تباہی کا ذمہ دار کون

?️ 12 جولائی 2022

سچ خبریں:اقوام متحدہ میں شام کے مندوب کا کہنا ہے کہ مغربی ممالک کی غلط پالیسیاں ان کے ملک میں انسانی تباہی کا باعث بنی ہیں۔
اقوام متحدہ میں شام کے مستقل مندوب بسام صباغ نے کہا ہے کہ بعض مغربی ممالک شامیوں کے خلاف کیسے جانے والے انسانیت سوز مظالم کی مخالت کرنے کے دعوے کر کے رائے عامہ کو گمراہ کرنے کی کوشش کر رہے ہیں۔

انہوں نے کہا کہ امریکہ، برطانیہ اور 2858 قرارداد کی ناکامی کے ذمہ دار فرانس ہیں، بسام صباغ نے افسوس کا اظہار کیا کہ روس کی طرف سے تجویز کردہ شام سے متعلق متوازن مسودہ قرارداد کو منظور نہیں کیا گیا۔

اقوام متحدہ میں شام کے مستقل مندوب نے اس بات پر زور دیا کہ شام حقائق کو مسخ کرنے، انسانی ہمدردی کی سرگرمیوں کو سیاسی رنگ دینے اور شامی شہریوں کے مصائب کو کم کرنے کی دیانتدارانہ کوششوں میں رکاوٹ ڈالنے کے لیے ان ممالک کے اصرار کی شدید مذمت کرتاہے۔

انہوں نے کہا کہ شام انسانی مسائل پر خصوصی توجہ دیتا ہے اور شامی عوام کی انسانی ضروریات کو پورا کرنے اور ان کے مسائل کے حل کے لیے ہر ممکن کوشش کرتا ہے، تاہم مغربی ممالک اس کی راہ میں رکاوٹیں ڈال کر اس کی کوشش کو کامیاب نہیں ہونے دیتے۔