سفارتکاری کے راستے کھلے ہیں:ایران

?️ 9 جولائی 2022

سچ خبریں:ایرانی وزیر خارجہ نے اپنی فرانسیسی ہم منصب کیٹرین کالونا کے ساتھ گفتگو کرتے ہوئے کہا کہ ہم ایک پائیدار معاہدے تک پہنچنے کے لیے سنجیدہ ہیں۔
ایران کے وزیر خارجہ حسین امیر عبداللہیان نے اپنی فرانسیسی ہم منصب کیٹرین کالونا کے ساتھ ٹیلیفونک گفتگو کی جس میں دونوں ملکوں کے باہمی دلچسپی کے علاقائی اور عالمی امور پر تبادلہ خیال کیا گیا،انہوں نے ویانا اور دوحہ میں ہونے مذاکرات کی جانب اشارہ کرتے ہوئے مزید کہا کہ حالیہ دوحہ کے مذاکرات کے بارے میں ہمارے اندازے اور خیال مثبت ہیں تاہم دیکھنا ہوگا کہ امریکہ ڈپلومیٹک مواقع کو کس طرح استعمال کرتا ہے۔

انہوں نے کہا کہ اس وقت سفارت کاری کا راستہ کھلا ہے اور ہم ایک اچھے اور پائیدار معاہدے کے حتمی نقطہ تک پہنچنے کے لیے سنجیدہ اور مخلص ہیں نیز ہم نے ہمیشہ مذاکرات میں اپنے مثبت خیالات اور تجاویز پیش کی ہیں۔

ایرانی وزیر خارجہ نے مزید کہا کہ امریکہ کسی تخلیقی اور پیش رفت پر مبنی اپروچ کے بغیر دوحہ مذاکرات میں شامل ہوا جبکہ ہمارا موقف یہ ہے کہ سیاسی تخلیق کی جگہ کو گزشتہ باتوں اور موقف سے نہیں بھرنا چاہئے،ایرانی وزیر خارجہ نے یہ بھی کہا کہ اسلامی جمہوریہ ایران ہمیشہ اپنے وعدوں کا وفادار رہا ہے اور امید کرتا ہے کہ دوسرے فریق بھی بخوبی اپنے وعدوں کو نبھائیں گے۔

فرانسیسی وزیر خارجہ نے بھی تہران اور پیرس کے درمیان اچھے تعلقات کو سراہتے ہوئے جوہری مذاکرات کے تسلسل اور پابندیوں کے خاتمے کی ضرورت پر زور دیا۔