سعودی عرب کی نظر میں مسئلہ فلسطین کا کیا حل ہے؟

19 ستمبر 2023

سچ خبریں: سعودی وزیر خارجہ نے ایک آزاد فلسطینی ریاست کی تشکیل اور اس ملک کے مسئلے کو حل کرنے کی ضرورت پر زور دیا۔

اسپوٹنک نیوز ایجنسی کی رپورٹ کے مطابق سعودی وزیر خارجہ فیصل بن فرحان نے الاخباریہ کے ساتھ گفتگو میں اس بات پر زور دیا کہ مسئلہ فلسطین کا حل آزاد فلسطینی ریاست کے قیام کے بغیر حاصل نہیں ہو گا۔

یہ بھی پڑھیں: مسئلہ فلسطین کا حل مشرق وسطیٰ میں امن کی کلید ہے:شاہ اردن

نیویارک میں اقوام متحدہ کی جنرل اسمبلی کے اجلاس کے موقع پر انہوں نے تاکید کی کہ مسئلہ فلسطین کے حل سے خطے اور دنیا کے استحکام کو تقویت ملے گی۔

انہوں نے کہا کہ دو ریاستوں کی تشکیل اور فلسطینی ریاست کی تشکیل کی حکمت عملی کی بنیاد بین الاقوامی اصولوں پر ہونی چاہیے۔

بن فرحان نے کہا کہ ہم کوشش کر رہے ہیں کہ دو حکومتوں کی تشکیل کا مسئلہ دوبارہ اٹھایا جائے ،ہم فلسطین میں اپنے بھائیوں کے ساتھ ہم آہنگی کر رہے ہیں تاکہ اس بات کو یقینی بنایا جا سکے کہ ان کی ترجیحات اور پوزیشن کی عکاسی ہو۔

فلسطین میں انسانی بحران سے نکلنے کے لیے امیدیں بحال کی جائیں، قبل ازایں اسرائیلی وزیراعظم بنیامین نیتن یاہو کے دفتر نے اعلان کیا تھا کہ سعودی عرب نے تل ابیب کے ساتھ تعلقات کو معمول پر لانے کے حوالے سے امریکی فریق کے ساتھ بات چیت روک دی ہے۔

مزید پڑھیں: صیہونی حکومت 80 سال کا ڈراؤنا خواب کیوں دیکھ رہی ہے؟

اس سے قبل امریکی وزارت خارجہ کے ترجمان نے صہیونی اخبار اسرائیل ہیوم کے ساتھ بات چیت میں اس بات کی تصدیق کی کہ گزشتہ چند ماہ سے وزارت خارجہ اور امریکی سفارت کاروں کی بھرپور کوششوں کے باوجود تل ابیب اور ریاض کے درمیان تعلقات معمول پر آنے کے امکانات کم ہیں۔