روس کے کون سے علاقے تاما ہاک میزائلوں کی زد میں ہیں

روس کے کون سے علاقے تاما ہاک میزائلوں کی زد میں ہیں

 امریکی تحقیقی ادارے انسٹیٹیوٹ فار دی اسٹڈی آف وار (ISW) نے ایک نقشہ جاری کیا ہے جس میں روس کے وہ مقامات دکھائے گئے ہیں جو امریکی طرز کے تاما ہاک کروز میزائلوں کی زد میں آ سکتے ہیں، اگر یہ ہتھیار یوکرین کو فراہم کیے گئے۔

رپورٹ کے مطابق، اس تھنک ٹینک نے جمعرات کو پلیٹ فارم ایکس پر ایک پوسٹ میں لکھا کہ تاما ہاک میزائلوں کی فراہمی کی صورت میں روس کے تقریباً دو ہزار فوجی اہداف، جن میں 76 فضائی اڈے بھی شامل ہیں، یوکرین کی حملہ آور صلاحیت کے دائرے میں آ جائیں گے۔

یہ انکشاف اس وقت سامنے آیا ہے جب امریکی صدر ڈونلڈ ٹرمپ نے حال ہی میں کہا تھا کہ وہ یوکرین کو تاما ہاک کروز میزائل دینے پر غور کر رہے ہیں، تاہم انہوں نے واضح کیا کہ وہ اس بارے میں فیصلہ کرنے سے پہلے جاننا چاہتے ہیں کہ

"یہ میزائل کن مقاصد کے لیے استعمال ہوں گے اور ان کا ہدف کیا ہوگا۔امریکی ویب سائٹ اکسیوس (Axios) کے مطابق، یوکرینی صدر ولادیمیر زیلنسکی نے گزشتہ ہفتے اقوام متحدہ کی جنرل اسمبلی کے 80ویں اجلاس کے موقع پر صدر ٹرمپ سے ملاقات کے دوران ان میزائلوں کی فراہمی کی درخواست کی تھی۔

ٹرمپ نے ایک پریس کانفرنس میں تصدیق کی کہ وہ اس معاملے پر جزوی فیصلہ کر چکے ہیں، مگر انہوں نے زور دیا کہ وہ تنازع کو مزید بڑھانا نہیں چاہتے۔میں یہ سمجھنا چاہتا ہوں کہ تاما ہاک میزائل کس مقصد کے لیے فائر کیے جائیں گے۔

تجزیہ کاروں کے مطابق، اگر یہ میزائل یوکرین کو فراہم کیے گئے تو ان کی فائرنگ رینج روس کے اندر گہرائی تک پہنچ سکتی ہے، جو خطے میں کشیدگی کو نئی سطح تک لے جا سکتی ہے۔