روس کے ساتھ اظہار یکجہتی پر برازیل کو وائٹ ہاؤس کی شدید تنقید کا سامنا

?️ 20 فروری 2022

سچ خبریں:وائٹ ہاؤس نے یوکرائن کے بحران کے درمیان برازیل کے صدر جیر بولسونارو کے حالیہ دورہ ماسکو پر تنقید کرتے ہوئے کہا ہے کہ عالمی برادری کی اکثریت روسی حملے کی مخالفت کرتی ہے۔
روئٹرز نیوز ایجنسی کی رپورٹ کے مطابق وائٹ ہاؤس کے ترجمان جین ساکی نے کہا کہ میرے خیال میں برازیل بین الاقوامی برادری کے مخالف ہو سکتا ہے،یادرہے کہ جمعرات کو بھی امریکی محکمہ خارجہ نے کریملن میں روسی صدر ولادیمیر پیوٹن کے ساتھ ملاقات کے دوران روس کے ساتھ یکجہتی کا اظہار کرنے پر بولسونارو پر کڑی تنقید کی۔

ان کا کہنا ہے کہ یوکرائنی سرحد کے قریب روسی فوجیوں کے ایک بڑے ہجوم نے حملے کے امکان کے بارے میں خدشات کا اظہار کیا ہے لہذا امریکہ نے بولسونارو سے کہا کہ وہ ماسکو کا دورہ منسوخ کر دیں، لیکن برازیل کے صدر نے ایسا نہیں کیا ۔

واضح رہے کہ برزیل کے صدر نے بدھ کے روز پیوٹن کے ساتھ کھڑے ہوکر وضاحت کیے بغیر ایک بیان میں کہا کہ وہ روس کے ساتھ یکجہتی میں ہیں جس کے بعد امریکی محکمہ خارجہ کے ترجمان نے کہا کہ برازیل کے صدر روس کے ساتھ اس وقت سے زیادہ برے وقت میں یکجہتی کا اظہار نہیں کر سکتے جب روسی افواج یوکرائن کے شہروں پر حملے کرنے کی تیاری کر رہی ہیں۔

دوسری طرف امریکہ کے عموماً لاطینی امریکہ کے سب سے بڑے ملک برازیل کے ساتھ قریبی تعلقات رہے ہیں۔