جرمنی میں مسلمانوں کی قبریں بھی اسلام مخالف حملوں سے محفوظ نہیں

?️ 2 جنوری 2022

سچ خبریں:جرمن پولیس کے مطابق اس ملک کے شمال مغربی شہر اسلون میں مسلمانوں کے ایک قبرستان میں تقریباً 30 قبروں کے کتیبوں کو تباہ کر دیا گیا ہے۔
اناطولیہ نیوز ایجنسی کی رپورٹ کے مطابق جرمن پولیس کا کہنا ہے کہ اس ملک کے شمال مغربی شہر اسلون میں مسلمانوں کے ایک قبرستان میں تقریباً 30 قبروں کے کتیبوں کو تباہ کر دیا گیا ہے، جرمن ریاست نارتھ رائن ویسٹ فیلیا کے شہر ہیگن کے ایک بیان کے مطابق یہ واقعہ جمعے کی شام یا ہفتے کی صبح کو پیش آیا۔

واضح رہے کہ شہر کے مقامی حکام نے ہر اس شخص سے معلومات کی درخواست جاری کی جس نے تخریب کاری کا مشاہدہ کیا یا اس کے پاس ایسی معلومات ہیں جو تحقیقات میں مدد کر سکیں،یادرہے کہ یہ حملہ جرمنی میں حالیہ برسوں میں اسلام مخالف جذبات میں تشویشناک حد تک اضافے کے درمیان ہوا ہے۔

جبکہ ترکی کے وزارت خارجہ نے بھی واقعے پر افسوس کا اظہار کیا ہے، بیان میں کہا گیا ہے کہ نئے سال کی شام کو یہ حملہ بیمار اسلامو فوبک ذہنیت کا ایک نیا اشارہ ہے جو خاص طور پر یورپ میں بڑھ رہی ہےاور مسلمانوں کے قبرستانوں کو بھی نشانہ بنا رہی ہے۔

ترکی کی وزارت خارجہ نےجرمن حکام سے مطالبہ کیا کہ وہ اس تباہ کن حملے کے مرتکب افراد کو تلاش کریں اور انہیں انصاف کے کٹہرے میں لائیں نیز انہیں وہ سزا دیں جس کے وہ مستحق ہیں، حکام سے کہا گیا کہ وہ ایسے واقعات کی روک تھام کے لیے اقدامات کریں۔