جارح سعودی اتحاد کی یمن کے صوبہ صنعا پر شدید بمباری

9 فروری 2022

سچ خبریں:  یمن میں عام شہریوں کے خلاف سعودی جارح اتحاد کے جرائم کا سلسلہ بدستور جاری ہے سعودی جارح جنگجوؤں نے آج صبح صنعا کے مختلف علاقوں پر بمباری کی۔

رپورٹ کے مطابق اسی وقت سعودی لڑاکا طیاروں نے صوبہ تعز کے علاقوں کو بھی نشانہ بنایا۔ یمنی ذرائع نے بتایا کہ حملوں کے دوران زیادہ تر رہائشی علاقوں کو سعودیوں نے بمباری سے نشانہ بنایا۔
یہ حملے ایسے وقت میں ہوئے جب یمنی مسلح افواج کے ترجمان یحیی ساری نے گزشتہ ہفتے منگل کو کہا کہ ہم نے آپریشن طوفان یمن 3 کے دوران متحدہ عرب امارات کے علاقے کی گہرائیوں کو نشانہ بنایا اس کارروائی میں یمنی فوج نے ابوظہبی میں سٹریٹجک اہداف کو ذوالفقار میزائلوں سے نشانہ بنایا۔
یمنی مسلح افواج کے ترجمان نے بتایا کہ متحدہ عرب امارات کے شہر دبئی میں بھی اہم اہداف پر بمباری کی گئی۔ دبئی پر بمباری صمد 3 ڈرون کے ذریعے کی گئی ہم ایک بار پھر اعلان کرتے ہیں کہ متحدہ عرب امارات اس وقت تک غیر محفوظ رہے گا جب تک وہ یمن کے خلاف جارحیت میں شریک رہے گا۔