ایران کے جائز حقوق اور قومی استحکام کی حمایت جاری رکھیں گے:چین

ایران کے جائز حقوق اور قومی استحکام کی حمایت جاری رکھیں گے:چین

 چین کی وزارتِ خارجہ نے کہا ہے کہ وہ ایران کے قومی استحکام اور اس کے جائز حقوق کے تحفظ کی حمایت کرتا ہے اور خطے کی صورتحال پر گہری نظر رکھے ہوئے ہے۔

چینی نشریاتی ادارے سی‌جی‌تی‌ان نے رپورٹ کیا کہ وزارتِ خارجہ کی ترجمان مائو نینگ نے جمعرات کو پریس کانفرنس کے دوران ایران کی موجودہ صورتحال پر اظہارِ خیال کیا۔

انہوں نے کہا کہ چین ایران میں پیش رفت کا قریب سے جائزہ لے رہا ہے اور ہمیشہ مسائل کے حل کے لیے سیاسی و سفارتی ذرائع کی حمایت کرتا ہے۔ ان کا کہنا تھا کہ چین بین الاقوامی تعلقات میں طاقت کے استعمال یا اس کی دھمکی کی مخالفت کرتا ہے۔

مائو نینگ نے مزید کہا کہ چین اور ایران کے عوام کے درمیان دیرینہ دوستی موجود ہے۔ چین ایرانی حکومت اور عوام کی قومی استحکام، خودمختاری اور جائز مفادات کے تحفظ کی حمایت جاری رکھے گا۔ انہوں نے امید ظاہر کی کہ تمام فریق امن کو ترجیح دیں گے، تحمل کا مظاہرہ کریں گے اور اختلافات کو بات چیت کے ذریعے حل کریں گے۔چینی ترجمان نے یہ بھی کہا کہ بیجنگ ایک ذمہ دار بڑی طاقت کے طور پر تعمیری کردار ادا کرنے کے لیے تیار ہے۔