سچ خبریں:ایران انٹرنیشنل دہشت گرد چینل کی رپورٹر مریم رحمتی کو منگل کے روز اقوام متحدہ کے اجلاس سے نکال دیا گیا۔
اسلامی جمہوریہ ایران کے انسانی حقوق کے ہیڈ کوارٹر کے سکریٹری کاظم غریب آبادی کی موجودگی میں اقوام متحدہ کا ایک اجلاس منعقد ہوا جس کے بعد ایران انٹرنیشنل دہشت گرد چینل نے لکھا ہے کہ اس کے رپورٹر کو اس بہانے میٹنگ سے نکال دیا گیا کہ اجلاس عام نہیں ہے جبکہ دیگر میڈیا کے نمائندے اس میٹنگ میں موجود تھے۔
اس صحافی کے اجلاس میں شرکت کے اصرار کی وجہ سے وہاں کے عہدیداروں نے اسے جلسہ گاہ سے نکالنے پر مجبور کر دیا، یاد رہے کہ حال ہی میں ایران کی وزارت خارجہ نے سعودی چینل ایران انٹرنیشنل کو ایران میں فسادیوں کو بھڑکانے اور اکسانے کی وجہ سے پابندیوں کی فہرست میں شامل کیا ہے۔
اسلامی جمہوریہ ایران کی وزارت خارجہ نے اپنے بیان میں متعدد برطانوی اداروں اور افراد کے خلاف پابندیوں کا اعلان کیا،اس بیان میں کہا گیا ہے کہ وزارت خارجہ نے متعلقہ حکام کی منظوریوں کی بنیاد پر، متعلقہ قانونی قواعد اور متعلقہ پابندیوں کے طریقہ کار کے فریم ورک کے اندر اور ایک باہمی کارروائی کے طور پر، متعدد برطانوی اداروں اور افراد پر دہشت گردی اور دہشت گرد گروہوں کی حمایت میں ان کے جان بوجھ کر کیے جانے والے اقدامات نیز دہشت گردی، تشدد اور نفرت کو بھڑکانے اور انسانی حقوق کی خلاف ورزیوں پر پابندی عائد کی جاتی ہے۔
واضح رہے کہ فہرست میں شامل افراد اور قانونی اداروں نے دیگر چیزوں کے علاوہ ایسی سرگرمیاں انجام دی ہیں جو ایرانی قوم کے خلاف بدامنی، تشدد اور دہشت گردانہ کارروائیوں کا باعث بنی ہیں، اس فہرست میں، برطانوی نیشنل سائبر سکیورٹی سینٹر، برٹش گورنمنٹ کمیونیکیشن ہیڈکوارٹر، ویلنٹ میڈیا، گلوبل میڈیا، ڈی ایم اے میڈیا، بی بی سی فارسی اور ایران انٹرنیشنل شامل ہیں۔
