سچ خبریں:انڈونیشیا کے صدر جوکو ویدودو نے ماسکو میں کہا کہ یوکرین کے صدر ولادیمیر زیلنسکی نے روسی صدر ولادیمیر پیوٹن کو پیغام دیا۔
ساؤتھ چائنا مارننگ پوسٹ کی رپورٹ کے مطابق انڈونیشیا کے صدر ویدودو نے روس اور یوکرین کے درمیان بات چیت اور امن بحال کرنے کے لیے اپنے ملک کی تیاری کا اعلان کیا، یاد رہے کہ انڈونیشیا کے پاس اس سال G20 کی صدارت ہے اور وہ نومبر میں بالی میں ایک سربراہی اجلاس کی میزبانی کرنے کی تیاری کر رہا ہے۔
روس کے صدر کے ساتھ بات چیت کے بعد، ویدودو نے جو کہا اس کا روسی میں اسی وقت ترجمہ کیا گیا انہوں نے کہا کہ میں نے زیلنسکی کا پیغام صدر پیوٹن تک پہنچایا، انہوں نے کہا کہ ان کا ملک روس اور یوکرین کے درمیان تعلقات کی بحالی اور دوبارہ امن قائم کرنے میں مدد کے لیے پوری طرح تیار ہے۔
واضح رہے کہ ماسکو کے اپنے دورے سے پہلے انڈونیشیا کے صدر نے یوکرین کے صدر ولادیمیر زیلنسکی سے ملاقات کی اور بات کی،ویدودو نے ماسکو میں کہا کہ اگرچہ صورت حال اب بھی مشکل ہے، لیکن پھر بھی حل اور کھلے مذاکرات کی طرف بڑھنا ضروری ہے، انہوں نے کہا کہ ان کا ملک چاہتا ہے کہ جنگ جلد ختم ہو اور دنیا کے تمام ممالک سے کہا کہ وہ اس عمل کو تیز کرنے کی کوشش کریں۔
