سچ خبریں:روسی ہیکر نئے خفیہ ٹولز کا استعمال کرتے ہوئے امریکی ٹیکس انتظامیہ کی ویب سائٹ تک رسائی حاصل کرنے میں کامیاب ہو گئے۔
المیادین چینل کی رپورٹ کے مطابق یوکرین پر روس کے حملے کے درمیان روسی ہیکرز نے اپنے ایک انتہائی خطرناک سائبر حملے میں امریکی ٹیکس ایڈمنسٹریشن کی ویب سائٹ میں داخل ہو کر تمام امریکی شہریوں کی معلومات حاصل کیں، امریکی پروگرامرز اس سائبر حملے کے 5 گھنٹے بعد اس اہم ویب سائٹ کا کنٹرول سنبھالنے میں کامیاب ہو گئے۔
مغربی رپورٹس بتاتی ہیں کہ یوکرین جنگ کے آغاز سے لے کر اب تک یوکرین کے خلاف روسی سائبر حملوں کی تعداد 550 تک پہنچ گئی ہے، ان حملوں میں زیادہ تر اہم اور بنیادی ڈھانچے کے شعبوں کو نشانہ بنایا گیا ہے اور اس تشویش میں اضافہ ہوا ہے کہ یوکرین کی جنگ کے پس منظر میں دنیا کے ممالک کے درمیان سائبر جنگ شروع ہو جائے گی۔
کہا جاتا ہے کہ روس ان سائبر حملوں میں خفیہ نئے آلات استعمال کر رہا ہے،انگلینڈ کی نیشنل سائبر سیکیورٹی سینٹر اور یو ایس سائبر سیکیورٹی ایجنسی کی رپورٹ کے مطابق ایک روسی گروپ نے میلویئر کی ایک نئی شکل تیار کی ہے جو پروگراموں اور کمپیوٹر نیٹ ورک پروٹیکشن ڈیوائسز کے اندر چھپنے کے قابل ہے!۔