امریکی ریاست ایریزونا میں فائرنگ ؛4 افراد ہلاک

?️ 26 اگست 2022

سچ خبریں:امریکی ریاست ایریزونا میں ہونے والی فائرنگ کے نتیجے میں ایک خاتون پولیس افسر سمیت 4 افراد ہلاک ہوگئے۔
امریکی ذرائع ابلاغ کی رپورٹ کے مطابق اس ملک کی ریاست ایریزونا میں جمعرات کو صبح 11 بجے فائرنگ کا ایک واقع پیش آیا جس کے نتیجہ میں ایک خاتون پولیس افسر جو ڈیبورا مارٹینز-گاریبے، پیمے، ٹکسن، ایریزونا میں واقع لِنڈے کامنز کے رہائشی کمپلیکس میں ایک اپارٹمنٹ سے بے دخلی کے حکم پر عمل درآمد کی نگرانی کے لیے گئی تھیں ہلاک ہوگئیں۔

واضح رہے کہ اپارٹمنٹ کے رہائشی نے گھر سے نکلنے پر پولیس اہلکار اور اپارٹمنٹ کے منیجر کو گولی مار کر قتل کر دیا، بتایا جاتا ہے کہ اس فائرنگ میں ایک اور شخص زخمی بھی ہوا تھا جس کی شناخت ابھی تک نہیں ہو سکی ہے جبکہ حملہ آور کو بھی گولی مار کر ہلاک کر دیا گیا، یاد رہے کہ حملہ آور کا مقصد تاحال معلوم نہیں ہوسکا ہے اور پولیس فائرنگ کی وجہ کی تحقیقات کررہی ہے۔

واضح رہے کہ امریکہ میں اسلحہ کی کھلی چھوٹ اس ملک میں آئے دن فائرنگ کے واقعات کا سبب بنتی ہے جس کے نتیجہ میں بے گناہ افراد مارے جاتے ہیں لیکن کوئی بھی امریکی حکومت ابھی تک اس پر قابو نہیں پا سکی ہے اس لیے کہ اس کے پچھے اسلحہ بیچنے والی لابی کا ہاتھ ہے۔