امریکی خفیہ ایجنسی نے بائیڈن کے بیٹے کو بچانے کے لیے کیا کیا؟

?️ 16 جولائی 2023

سچ خبریں: 2024 کی امریکی صدارتی امیدوار نے خفیہ سروس پر الزام لگایا کہ وہ امریکی صدر کے بیٹے کی حفاظت کے لیے وائٹ ہاؤس میں کوکین کی دریافت کو چھپا رہی ہے۔

اسپوٹنک نیوز ایجنسی کی رپورٹ کے مطابق، جنوبی کیرولائنا کی سابق گورنر اور 2024 کے امریکی صدارتی انتخابات کی امیدوار نکی ہیلی کا کہنا ہے کہ اس ملک کی خفیہ سروس نے جو بائیڈن کے بیٹے ہنٹر بائیڈن کو بچانے کے لیے وائٹ ہاؤس میں کوکین کی دریافت کو چھپایا ۔

یہ بھی پڑھیں: بائیڈن کے خاندان کا حقیقی چہرہ

فاکس نیوز کے برطرف اینکر ٹکر کارلسن کو دیے جانے والے ایک انٹرویو میں ہیلی نے کہا کہ ان کا خیال ہے کہ خفیہ سروس اس معاملے کو چپھانے میں ملوث تھی جس کا مقصد یا تو ہنٹر بائیڈن یا صدر کے قریبی کسی اور کو تحفظ فراہم کرنا تھا۔

انہوں نے تاکید کی کہ میرا پختہ یقین ہے کہ اس معاملے میں پردہ پوشی کی گئی،یا تو ہنٹر بائیڈن کو بچانے کے لیے یا کسی اور کے لیے جو ریاستہائے متحدہ کے صدر کے بہت قریب ہے اور وہ اپنی شناخت ظاہر نہیں کرنا چاہتے۔

یاد رہے کہ امریکی خفیہ ایجنسی کے ایک ایجنٹ نے وائٹ ہاؤس کے نجی داخلی دروازے کے مغربی ونگ کی ایک الماری سے تقریباً ایک گرام کوکین دریافت کی جبکہ سابقہ اطلاعات کے مطابق اس الماری کو کسی بھی نگرانی والے کیمرے کے ذریعہ بھی نہیں دیکھا گیا!

تاہم، ہیلی اس دعوے کے خلاف ہیں اور اصرار کرتی ہیں کہ بالکونی جہاں الماری واقع ہے وہ اسیویشن روم سے صرف چند میٹر کے فاصلے پر ہے اور وہ وائٹ ہاؤس کے دفتر سے ایک منزل نیچے ہے۔

مزید پڑھیں: ٹرمپ کے بیٹے کی سوڈانیوں کی توہین

واضح رہے کہ ڈونلڈ ٹرمپ کے دور صدارت میں قومی سلامتی کونسل کے رکن کی حیثیت سے اپنے ذاتی تجربات کی بنیاد پر انہوں نے اس خطے کی سلامتی کی سطح کو بہت زیادہ بیان کیا اور اس پر زور دیا۔

یاد رہے کہ امریکی خفیہ سروس نے حال ہی میں اعلان کیا تھا کہ وہ اس بات کا تعین نہیں کر سکی کہ کوکین وائٹ ہاؤس میں کیسے داخل ہوئی اور 11 دن کی تحقیقات کو فوری طور پر بند کر دیا۔

اس تنظیم نے اپنی وضاحت میں کہا کہ اسے ڈبے پر کوئی فنگر پرنٹ یا ڈی این اے نہیں ملا، تاہم وائٹ ہاؤس نے اس سوال کا جواب نہیں دیا کہ کوکین وائٹ ہاؤس میں کیسے داخل ہوئی اور کیا صدر کے خاندان کا کوئی فرد اسے لے کر آیا، انہوں نے تفتیشی اور پوچھ گچھ عملے کو غیر ذمہ دار قرار دیا!