امریکہ نے روس سے فوجی اڈے کا مطالبہ کیا

?️ 30 ستمبر 2021

سچ خبریں:وال اسٹریٹ جرنل نے دعویٰ کیا ہے کہ امریکہ نے روس سے کہا ہے کہ وہ واشنگٹن کو افغانستان میں آپریشن کے لیے اپنا ایک فوجی اڈہ فراہم کرے۔

امریکی اخبار کے مطابق امریکی فوج کے کمانڈر جنرل مارک ملی نے چند روز قبل اپنے روسی ہم منصب ویلری گراسیموف سے ملاقات کے دوران یہ درخواست کی۔

امریکہ اس سے قبل افغانستان کے دیگر پڑوسیوں سے بھی ایسی ہی درخواستیں کرچکا ہے لیکن اب تک کوئی بھی ملک واشنگٹن کی درخواست پر راضی نہیں ہوا ہے۔

پینٹاگون اور امریکی فوج کی کمان نے ابھی تک ان الزامات پر کوئی تبصرہ نہیں کیا ہے۔