افغان طالبان کے ستارے ایک بار پھر گردش میں

?️ 5 جون 2021

سچ خبریں:افغانستان میں سکیورٹی فورسز اور طالبان کےدرمیان ہونے والی تازہ ترین جھڑپوں میں طالبان کے دسیوں اہلکار ہلاک اور متعدد زخمی ہوئے ہیں۔
افغان ذرائع ابلاغ کی رپورٹ کے مطابق افغانستان کی وزارت دفاع نے آج سنیچر کے روز کہا کہ اس ملک کے صوبے زابل کے شینکی اور شاجوی علاقوں میں سکیورٹی فورسز کی کاروائی میں 60 طالبان ہلاک اور 33 زخمی ہوئے،دوسری جانب ہرات کے گورنر کے ترجمان جیلانی فرهاد نے کہا ہے کہ افغانستان کے صوبہ ہرات کے ضلع گلران میں 8 طالبان ہلاک اور 2 زخمی ہوئے جبکہ غوریان ضلع میں ہونے والی جھڑپ میں 6 افراد زخمی ہوئے، ان جھڑپوں میں سکیورٹی فورسز کے 2 اہلکار جاں بحق اور 6 عام شہری بھی زخمی ہوئے۔

اس کے علاوہ کابل میں 2 بم دھماکوں کے نتیجے میں 8 افراد جاں بحق اور 9 زخمی ہوئے، پہلا بم دھماکہ چہار قلا میں مسافر کار کے قریب ہوا جس میں 4 افراد جاں بحق اور 4 زخمی ہوگئے جب کہ 4 گھنٹے بعد دوسرا دھماکہ ہوا جس میں کار استعمال کی گئی اور مسافر گاڑی کو نشانہ بنایا گیا جس کے نتیجے میں 4 افراد جاں بحق اور 5 زخمی ہوگئے۔
سحر