اسرائیل شیطنت کا مرکز ہے:صیہونی رکن پارلینٹ کا اعتراف

18 اکتوبر 2022

سچ خبریں:صیہونی کنسیٹ کے ایک رکن نے اعتراف کیا ہے کہ صیہونی حکام بے گناہ فلسطینی بچوں کو قتل کرتے ہیں جس کی بنا پر وہ جنگی مجرم ہیں۔

عربی 21 چینل کی رپورٹ کے مطابق صیہونی پارلیمنٹ کنیسیٹ کے رکن عوفر کاسیف نے اعتراف کیا کہ اسرائیلی فوج فلسطینی بچوں کو قتل کرتی ہے کیونکہ اسرائیل شرارتوں اور شیطنت کا مرکز ہےحتی بینی گینٹز بھی جنگی مجرم ہیں، صیہونی اخبار اسرائیل ہیوم کے رپورٹر یہودا شلیزنگر کی تیار کردہ رپورٹ میں صیہونی کنیسیٹ کے اس رکن نے بتایا کہ اسرائیل خود ایک ظالم ادارہ ہے جس نے گزشتہ ہفتے 12 فلسطینیوں کو قتل کیا اور فلسطینی بچوں کو سزائے موت دی، ہم اس ظالم ادارے کی طرف سے خوفناک خونریزی کا مشاہدہ کر رہے ہیں۔

ادھر صیہونی کنیسیٹ کے رکن ایمن عودہ نے زور دے کر کہا کہ جو بھی ان دنوں مارا جاتا ہے وہ اس لعنتی ادارے کا شکار ہے،ہمیں اس غاصبانہ قبضے کو ختم کرنا چاہیے جو بہت سے لوگوں کو قتل کرتا ہے اور اسرائیل شیطنت کا مرکز ہے،عوفر کاسیف نے زور دے کر کہا کہ اگر پراسیکیوٹر کے دفتر میں میری درخواست کا جواب نہ دیا گیا تو میں ہیگ میں واقع بین الاقوامی عدالت انصاف میں جاؤں گا اور ایتمار بن جفیر کی گرفتاری کی درخواست کروں گا کیونکہ اس کا ٹھکانہ کنیسیٹ نہیں بلکہ جیل ہے۔

عوفر کاسیف نے بتایا کہ بن جفیر نے شعفاط کیمپ کا محاصرہ کرنے والے فلسطینی مظاہرین پر بندوق تان لی اور اسرائیلی سیاست دانوں پر پولیس اہلکاروں کے ہاتھوں میں ہتھکڑیاں لگانے کا الزام لگایا۔