ترکیہ کے صدر رجب طیب اردگان کا پی کے کے کے انحلال پر پہلا ردعمل

سچ خبریں:  ترکی کے صدر رجب طیب ایردوان نے کابینہ اجلاس کے بعد صدارتی محل سے خطاب کرتے ہوئے پی کے کے کے انحلال کے اعلان پر تبصرہ کرتے ہوئے کہا کہ ترکی اس فیصلے کو ملکی سلامتی کے لیے ایک اہم قدم اور شہریوں کے درمیان باہمی رفاقت اور بھائی چارے کو مضبوط بنانے کے نئے دور کا آغاز سمجھتا ہے۔

انہوں نے مزید کہا کہ دہشت گردی اور تشدد کے خاتمے کے بعد، ترکی ایک نئے دور میں داخل ہو رہا ہے جہاں جمہوری طریقے سے سیاسی سرگرمیوں کو مزید تقویت ملے گی۔

صدر ایردوان نے زور دے کر کہا کہ پی کے کے کے باضابطہ انحلال اور ہتھیار ڈالنے کے بعد، وہ دور ختم ہو گیا جب والدین کو روزانہ اپنے بچوں کی شہادت کی خبریں سننی پڑتی تھیں۔

انہوں نے اختتام پر واضح کیا کہ ہم اس فیصلے کو شام، شمالی عراق اور یورپ میں گروپ کی تمام شاخوں پر بھی لاگو سمجھتے ہیں۔