واشنگٹن میں فائرنگ سے ہلاک ہونے والے صیہونی سفارت اہلکار کون تھے؟ 

سچ خبریں:واشنگٹن میں صیہونی سفارت خانے کے دو اہلکار یارون لیسچنسکی اور سارا میلگریم فائرنگ کے واقعے میں ہلاک ہوگئے،دونوں جلد شادی کرنے والے تھے،واقعے کے بعد اسرائیلی سفارتی عمارتوں کی سکیورٹی مزید سخت کر دی گئی۔

روئٹرز نیوز ایجنسی کی رپورٹ کے مطابق امریکی دارالحکومت واشنگٹن ڈی سی میں یہودی میوزیم کے باہر پیش آنے والے فائرنگ کے واقعے میں ہلاک ہونے والے اسرائیلی سفارت خانے کے دو اہلکاروں کی شناخت کر لی گئی ہے۔

یہ بھی پڑھیں:واشنگٹن میں صیہونی سفارتخانے کے دو اہلکار ہلاک

صیہونی وزیر خارجہ گدیعون ساعر کے مطابق، فائرنگ میں جان بحق ہونے والوں کے نام یارون لیسچنسکی اور سارا میلگریم ہیں،سفیر یخیل لایٹر کے مطابق، دونوں جلد ہی شادی کرنے والے تھے،سابق اسرائیلی سفیر مائیک ہرتزوگ نے رادیو آرمی کو بتایا کہ فائرنگ کے واقعے میں ہلاک ہونے والوں میں ایک امریکی خاتون اور ایک اسرائیلی مرد شامل ہیں،اس واقعے کے بعد واشنگٹن میں اسرائیلی سفارتی دفاتر اور دیگر اہم مراکز کی سکیورٹی مزید سخت کر دی گئی ہے۔

مزید پڑھیں:واشنگٹن ایف بی آئی دفتر کے قریب فائرنگ کے واقعے کی تفصیلات

یہ حملہ ایسے وقت میں ہوا ہے جب اسرائیل کی جانب سے غزہ پر جاری جنگ نے وسیع تباہی اور انسانی بحران کو جنم دیا ہے،

غزہ کے طبی اداروں کے مطابق، اب تک اسرائیلی حملوں میں 53 ہزار سے زائد فلسطینی شہید ہو چکے ہیں، جبکہ 90 فیصد سے زیادہ آبادی بے گھر ہو چکی ہے اور شہر کا بیشتر حصہ ملبے کا ڈھیر بن چکا ہے۔